لەقوتابخانەی کوردایەتی و کۆڵنەدانەوە بۆ سوکایەتی و جوێن دان

ھێنانی کەسانی نەخوێندەوار و بێ مستەوا بۆ سەرکردایەتی حیزبەکان لە بەعسەوە دەستی پێکرد، بەتایبەتیش دوای ئەوەی سەدام بوە پیاوی یەکەمی حیزب و دەوڵەت، مەبەستی ئەوە بوو کە ئەو جۆرە خەڵکانە بەکاربێنێ بۆ دروستکردنی زۆرینە لەناو حیزب بۆ بەرژەوەندی خۆی و کۆنترۆڵ کردنی حیزب بۆخۆی و بنەماڵەكەی.

لە قۆناغی دوەمیشدا بەکارھێنانیان بۆ دژایەتی کردنی نەیاران و رەخنەگران لە دەرەوەی حیزب و ئەنجامدانی تاوانیش پێیان ،ئەو جۆرە خەڵکانەش لە ھیچ سڵیان نەدەکردەوە بۆ مەرامی خۆیان و زیاتر بەدەستھێنانی ڕەزامەندی سەدام و لەدەست نەدانی ئیمتیازاتەکانیان، ئامادەی ھەموو شتێک بوون بێ دودڵی ئەنجامی بدەن، لە ئەنجامدا ھەر ئەم نەخوێندەوارانە سەری سەدام و حیزبەکەشیان خوارد.

بەداخەوە ئەم دیاردەیە زۆر بە خراپی پەڕیوەتەوە بۆ حیزبی کوردی و زۆر بەیان ئەگەر نەڵێم ھەموویان لەسەر ئەو ڕێبازە دەڕۆن، ئەگەر یەکێک ڕەخنە لە حیزبەکە یان بە تایبەتی لە سەرۆکی حیزب بکرێ لە جیاتی ئەوەی بزانن ڕەخنەکە ڕاستە یان نا ؟ وە ئەگەر ناڕاستە بەلۆجیک وەڵامی بدەنەوە، دێن بەھەمان ئسلوبی بەعس ئەندام سەرکردایەتی و کادێرە «پێشخراوە» نەخوێندەوارەکانیان ڕادەسپێرن «بە تایبەتی ئەگەر ڕەخنەکە یان بابەتەکە ڕاست بێ» بۆ سوکایەتی کردن و جوێن دان و تەشھیر کردن تەنھا ئەوەیە وەک حیزبی بەعس دەسەڵاتیان نیە ئەوەی بیانەوێ بیکەن، ئەگەر نا دەسەڵاتی ئەویان ھەبوایە و بۆیان بلوایە ھەموو تاوانەکانی ئەویشیان دەرکردەوە، دەبێ ئەوەش بزانن کە بەردەوام بونیان لەسەر ئەم ڕێبازەو دەورەدانیان و گوێگرتنیان لەم کەسە نەخوێندەوارانە، درەنگ یان زوو سەری خۆشیان و حیزبەکەشیان دەخوات.
Top of Form