بڕیار ته‌ها 24/08/2019 167 جار خوێنراوەتەوە

گرفتی چێڵسی و لامپارد ڕوونە

یانەی چێڵسی تا ئێستا سێ یاری لە خولی نایابی ئینگلیزی و یارییەکی لە جامی سۆپەری ئەوروپای بەرانبەر لیڤەرپووڵ ئەنجام داوە، یانەکە لە ڕووی هێرشبەری و فشارخستە سەر یانەی بەرانبەر تا ڕادەیەک تاکتیکێکی سەردەمیانە لەسەر دەستی فرانک لامپاردی ڕاهێنەری نوێ بە باشی جێبەجێ دەکات.

بەڵام ئەم چوار بەرگریکارەی ئێستای چێڵسی ( ئەزبیلیکوێتا - کریستنسن - زۆما - ئیمرسۆن ) ناتوانن تەواوی ئەرکی پاراستنی تۆڕی گۆڵەکەیان لە ئەستۆ بگرن و لە ڕووی بەرگرییەوە تەواو سەرکەوتوو نین.

لە هەمانکاتیشدا خراپی ناوەندسازەکانی چێڵسی لە " هاوکاریکردنی یاریزانی هێڵی بەگری و دروستکردنی چێنی بەرگری لە هێڵی ناوەندا "  هێندەی دیکەی یانەی بلوزی لە ڕووماڵ و تاکتیکی بەرگری لاواز کردووە، ئەمەش وایکردووە یانەکان دەتوانن بە ئاسانی بگەن ناوچەی سزای چێڵسی و گۆڵ تۆمار بکەن.

تەنانەت بەبوونی (کانتێ)ــــش، ئەم گرفتە تەواو چارەسەر نابێت، بەڵکو گرفتەکە کەم دەبێتەوە، چونکە جۆرجینۆ و کۆڤاسیچ ناتوانن لە ڕووی بەرگرییەوە هاوکاری لامپارد بکەن.

لە تۆڕە کۆمەڵایەتیەکان شەیری بکە

هەموو وتارەکانی بڕیار ته‌ها

سەرەتا