21/03/2020
1103 جار خوێنراوەتەوە
حكومەتی ئێران ڕایدەگەیەنێت چارەسەری ڤایرۆسی كۆرۆنایان بەرهەمهێناوە
پهیام
حكومەتی ئێران ڕایدەگەیەنێت چارەسەری ڤایرۆسی كۆرۆنایان بەرهەمهێناوە و لەماوەی (10) رۆژی داهاتودا دەیگەیەننە بازاڕەكان.
سەرۆكی رێكخراوی خۆراك و دەرمانی ئێران رایگەیاند چارەسەرێكی گونجاویان بۆ ڤایرۆسی كۆرۆنا بەرهەمهێناوە و لەماوەی (10) رۆژی داهاتودا دەیگەیەننە بازاڕەكانی وڵات.
محەمەد رەزا شانەساز وتیشی تاران سەركەوتوبو لە بەرهەمهێنانی چارەسەری توشبوانی كۆرۆنا، لەماوەی (10) رۆژدا لە بازاڕ و دەرمانخانەكان دەستدەكەوێت، ئەوەش دوای ئەوەی دوێنێ پێكهاتە سەرەكییەكانی ئەو چارەسەرە گەیشتوەتە تاران.
ناوبراو ئاماژەی بۆ ئەوەشكرد چارەسەرەكە لەسەر ژمارەیەك نەخۆش تاقیكراوەتەوە و مۆڵەتی پێویستی وەرگرتوە بۆ بەكارهێنان و كاریگەرییەكی باشی لەسەر چاكبونەوەی ئەو كەسانە هەیە كە هەڵگری ڤایرۆسەكەن.
ئەوە لەكاتێكدایە لەماوەی (24) كاتژمێری ڕابردودا لە ئێران (966) كەس توشی ڤایرۆسی كۆرۆنا بوون و (123) كەسیش گیانیان لەدەستداوە.
لە تۆڕە کۆمەڵایەتیەکان شەیری بکە