21/03/2020 551 جار خوێنراوەتەوە

هۆشداریی بە ئافرەتان دەدرێت لەبارەی دووگیانییەوە لە کاتی کۆرۆنادا

په‌یام

بەرپرسێکی تەندروستیی عێراقی ئامۆژگاری ژنان دەکات، بیر لە دووگانی نەکەنەوە لە کاتێکدا کە پەتای کۆرۆنا تەشەنەی سەندووە.
بەڕێوەبەری فەرمانگەی تەندروستیی کەرخ لە بەغدا، جاسب حیجامی لە راگەیەنراوێکدا کە لە پەیجی تایبەتی خۆی لە تۆڕی کۆمەڵایەتی فەیسبووک بڵاویکردووەتەوە، رایگەیاندووە "ئامۆژگارییم بۆ ژنان ئەوەیە کە لەم کاتە سەختەدا بیر لە دووگیانی نەکەنەوە".
جاسب حیجامی روونیکردووەتەوە، ئەم ئامۆژگارییەی لەوەوە سەرچاوەی گرتووە، ئافرەتێکی دووگیان کە تووشی کۆرۆنا بووە و لە نەخۆشخانەی فورات لەژێر چارەسەری پزیشکییدایە، بەهۆی دووگیانییەکەوە ئازاری زیاتر دەچێژێت و پزیشکەکانیش لەگەڵیدا ماندوودەبن.
حیجامی رووی قسەکانی ئاراستەی ژنان کردووە و دەڵێت: "وێڕای ئەوەی زانیاریی تەواو لەبەردەستدا نییە لەبارەی کاریگەری ڤایرۆسەکە لەسەر کۆرپەلە، بەڵام بەدڵنیاییەوە تووشبوونت بە ڤایرۆسەکە کە کاتێکدا کە دووگیان نەبیت زۆر باشترە لەوەی کە دووگیان بیت".
تیشكیشی خستووه‌ته‌ سه‌ر ئه‌وه‌ش لە کاتی تووشبوون به‌ کۆرۆنا، نەخۆش پێویستیی بە پشکنینی تیشک دەبێت، کە ئەمەش کاریگەری نەرێنی دەبێت لەسەر کۆرپەلە، هەروەها ئەو دەرمان و چارەسەرییە پزیشکییانەی کە لەکاتی تووشبوون بە کۆرۆنا بە ئافرەتی دووگیان دەدرێت، کاریگەری لاوەکی دەبێت لەسەر کۆرپەلە.
لە چین، منداڵێک دوای ٣٦ کاتژمێر لەدایکبوونی، نیشانەکانی تووشبوون بە کۆرۆنا لەسەری ده‌ركه‌وتن، ئەمەش وایکرد تیمێکی توێژینەوە لە نەخۆشخانەی چونگنان سەر بە زانکۆی وهان یەکەم توێژینەوە لەسەر ئەگەری گواستنەوەی ڤایرۆسەکە لە ئافرەتی دووگیانەوە بۆ کۆرپەلەکەی بکەن.
توێژینەوەکە کە لە لایەن (The Lancet) بڵاوکرایەوە، وەک بنەما گەیشتنە ئەو ئەنجامەی کە کۆرۆنا لە دایکی دووگیانی تووشبوو بۆ کۆرپەلە ناگۆازرێتەوە ئەگەر لە سێ یەکی کۆتایی دووگیانییەکەدا بێت. 
بەپێی داتاکانی وەزارەتی تەندروستیی عێراق، ژمارەی تووشبووان بە ڤایرۆسی کۆرۆنای نوێ (COVID-19)  گەیشتووەتە ٢٠٨ کەس و لەو ژمارەیە ١٧یان گیانیان لەدەستداوە.

لە تۆڕە کۆمەڵایەتیەکان شەیری بکە

  • 20/12/2020

    رەنگی سەوز لە گۆشتی مریشک دا زەرەری هەیە؟

  • 20/11/2020

    ڕووداوه‌كان و به‌رواری سەرهەڵدان و بڵاوبوونەوەی ڤایرۆسی كۆڕۆنا له‌ سه‌ره‌تاوه‌ تا ئێستا

  • 20/11/2020

    چۆن "هێدفۆن" به‌ شێوه‌یه‌كی ته‌ندروست به‌كاربێنین

  • 19/11/2020

    جگه‌ره‌كێشان مه‌ترسی مردن به‌ كۆرۆنا زیاتر ده‌كات

  • 18/11/2020

    جیاوازی چییه‌ له‌ نێوان ڤاكسینه‌كه‌ی كۆمپانیای مودیرناو كۆمپانیای فایزر

  • 17/11/2020

    چەند زانیارییەک لەسەر ڤاکسینەکەی کۆمپانیای "مۆدێرنا"ی ئەمریکا

  • 13/11/2020

    تووشبووانی نەخۆشی سوورێژە بەرزترین ئاستی لە ماوەی زیاتر لە دوو دەیەی ڕابردوودا تۆماركرد

  • 24/10/2020

    ئه‌و خۆراكانه‌ی چه‌وری ورگ زیاد ده‌كه‌ن

سەرەتا