23/02/2020
626 جار خوێنراوەتەوە
هه‌ولێر...به‌هۆی گرانفرۆشتنی ده‌مامك 12 شوێنی پێداویستی پزیشکی داخران
په‌یام
بەهۆی گرانکردنی نرخی ده‌مامك لەلایەن
دەرمانخانە و شوێنەکانەوە لە هەولێر 12 شوێن داخران و بەرپرسانی پارێزگاکەش دەڵێن،
سزای هەرکەسێک دەدەن کە ده‌مامك بە گرانتر لە نرخی خۆی بفرۆشێت.
نەبەز عەبدولحەمید قائیمقامی قەزای ناوەندیی
هەولێر رایگەیاند:“دوای ئەوەی ڤایرۆسی کۆرۆنا لە ئێران سەری هەڵدا، لیژنەی باڵای
بەرەنگاربوونەوەی نەخۆشیی کۆرۆنا لە هەرێمی کوردستان کۆبووەوە یەکێک لە
راسپاردەکانی ئەوە بوو کە لیژنەکان لە بازاڕەکاندا بەدواداچوونی مەیدانی بکەن،
لەبەر ئەوەی لەلایەن هاووڵاتیانەوە خواستێکی زۆر لەسەر کەمامە هەبوو”.
ئاماژەی بەوەشکردووە، لەکاتی گەڕان و
بەدواداچوونەکانی ئەمڕۆ 18 شوێن پشکنینیان بۆئەنجام درا 12 شوێن داخران کە
پێداویستیی تەندروستی و دەمامکیان گران فرۆشتووە و سەرپێچیی رێنماییەکانیان کردووە.
قائیمقامی هەولێر رایشی گه‌یاندووه، هاوڵاتیان
دڵنیا دەکەنەوە بەدواداچوونی پێویست دەکەن و ڕێگا نادرێت بەھیچ کەس و بازرگانێک
قۆرخکاری بکات، بەپێچەوانەوە بەتوندترین شێوە بەپێی یاسا سزا دەدرێن.
لە تۆڕە کۆمەڵایەتیەکان شەیری بکە