16/02/2020
487 جار خوێنراوەتەوە
هۆکاری یاری نەکردنی کریستیانۆ بەرانبەر بریشیا ئاشکرا دەبێت
پەیام سپۆرت - بڕیار تەها
کریستیانۆ
ڕۆناڵدۆی پۆرتوگالی و هێرشبەری یانەی یۆڤانتۆسی ئیتاڵی لە یاری یانەکەی بەرانبەر
بریشیا ئامادە نابێت و هۆکارەکەشی ئاشکرا دەبێت.
ڕۆژنامەی کۆرێری
دێلا سێرای ئیتاڵی ئاشکرای کردووە، خودی کریستیانۆ داوای لە ماوریزیۆ ساری ڕاهێنەر
کردووە بۆ یاری یانەکەیان بەرانبەر بریشیا یاری نەکات، ئەمەش لە پێناو ئەوەی بۆ
قۆناغی 16ی چامپیۆنسلیگ بە توانایەکی زۆر باشترەوە ئامادەی ئەو قۆناغە گرنگەی
وەرزەکەی بێت.
لە 26ی ئەم
مانگەدا و لەسەرخاکی فەرەنسا یانەی یۆڤانتۆس دەبێتە میوانی یانەی لیۆنی فەرەنسی و
لە 17ی مانگی داهاتووشدا و لە شاری تۆرینیۆ لە یاری گەڕانەوەدا میوانداری یانە
فەرەنسییەکە دەکاتەوە.
جێی بیرهێنانەوەیە
کریستیانۆ لەو کاتەوەی پەیوەندی بە خانمەپیرەکەی ئیتاڵیاوە کردووە پێش یارییەکانی چامپیۆنسلیگ
بەردەوام پشوو وەردەگرێت.
لە تۆڕە کۆمەڵایەتیەکان شەیری بکە