27/01/2020 165 جار خوێنراوەتەوە

سه‌یدسادق.. خۆپیشاندان سازكراو هێزه‌ ئه‌منییه‌كان هێرشیان كرده‌ سه‌ر چالاكان و رۆژنامه‌نووسان

په‌یام

له‌ قه‌زای سه‌یدسادق خۆپیشاندان بۆ داواكردنی خزمه‌تگوزارییه‌ سه‌ره‌تاییه‌كان به‌ڕێوه‌چوو و، هێزه‌ ئه‌منییه‌كان هێرشیان كرده‌ سه‌ر چالاكان و تیمی ڕۆژنامه‌وانیی میدیاكان. به‌ڕێوه‌به‌ری ئاسایش زللـه‌ی له‌ په‌یامنێرێكی په‌یام داوه‌ و بۆ ماوه‌ی دوو كاتژمێر ده‌ستبه‌سه‌ری كردووه‌، سه‌نته‌ری میترۆیش به‌ توندی ئیدانه‌ی ئه‌و پێشێلكارییانه‌ ده‌كات.

ئه‌مڕۆ هاووڵاتیانی قه‌زای سه‌یدسادق بۆ داوای دابه‌شكردنی نه‌وت و زیادكردنی پێدانی كاره‌بای نیشتمانی و خزمه‌تگوزارییه‌ سه‌ره‌تاییه‌كانی دیكه‌ خۆپیشاندانیان ئه‌نجام دا. خۆپیشانده‌ران چوونه‌ به‌رده‌م بینای قائیمقامیه‌تی قه‌زاكه‌ و، بۆ ماوه‌ی چه‌ند كاتژمێرێكیش ڕێگای سه‌ره‌كیی بازاڕی سه‌یدسادقیان داخست.

له‌لایه‌ن ئاسایشی سه‌یدسادقه‌وه‌ هێرش كراوه‌ته‌ سه‌ر یه‌كێك له‌ ڕێكخه‌رانی خۆپیشاندانه‌كه‌ به‌ ناوی (زانا عه‌لی) و بۆ ماوه‌یه‌كیش ده‌ستبه‌سه‌ر كراوه‌، دواتریش بۆ وه‌رگرتنی چاره‌سه‌ر ڕه‌وانه‌ی نه‌خۆشخانه‌ كراوه‌.
هێزه‌ ئه‌منییه‌كان ڕێگرییان له‌ میدیاكان كرد ڕووماڵی خۆپیشاندانه‌كه‌ بكه‌ن و، هێرشیان كرده‌ سه‌ر تیمی ڕۆژنامه‌وانیی په‌یامیش. له‌لایه‌ن به‌ڕێوه‌به‌ری ئاسایشی سه‌یدسادقه‌وه‌ به‌ زللـه‌ له‌ هۆشیار محه‌مه‌د، په‌یامنێری كه‌ناڵی په‌یام دراوه‌ و، دواتر ده‌ستبه‌سه‌ر كراوه‌ بۆ ماوه‌ی دوو كاتژمێر.

هه‌روه‌ها تیمه‌كه‌ی په‌یام براون بۆ ئاسایشی سه‌یدسادق ‌و، كه‌لوپه‌له‌ ڕۆژنامه‌وانییه‌كانیان لێوه‌رگیراوه‌ و، هه‌موو گرته‌ و وێنه‌ی تایبه‌ت به‌ خۆپیشاندانه‌كانیان سڕیونه‌ته‌وه‌.

له‌باره‌ی پێشێلكاری به‌رانبه‌ر ڕۆژنامه‌نووسان، سه‌نته‌ری میترۆ بۆ به‌رگری له‌ ڕۆژنامه‌نووسان له‌ به‌یاننامه‌یه‌كدا ڕایده‌گه‌یه‌نێت "ده‌ستبه‌سه‌ركردنی ڕۆژنامه‌نووسان به‌ پاساوی ڕووماڵكردنی خۆپیشاندانی بێ مۆڵه‌ت، كرده‌یه‌كی نایاساییه‌ و به‌ توندی ئیدانه‌ی ده‌كه‌ین".
میترۆ داواش ده‌كات ژینگه‌یه‌كی ئارام و هانده‌ر بۆ میدیاكاران بڕه‌خسێنرێت و پارێزه‌رانی یاسا ڕێز له‌ یاسا بگرن.

لە تۆڕە کۆمەڵایەتیەکان شەیری بکە

  • 10 خولەک پێش ئێستا

    سه‌ندیكای پزیشكان: 40 ڕۆژ ده‌م و لوتتان به‌ ماسك دابپۆشن ته‌ندروست ده‌بن

  • 27 خولەک پێش ئێستا

    په‌رله‌مانی كوردستان: پاڵپشتیی ڕێككه‌وتنێكی هاوسه‌نگ له‌گه‌ڵ به‌غدا ده‌كه‌ین

  • 1 کاتژمێر پێش ئێستا

    له‌ هەرێمی کوردستان 10 حاڵه‌تی نوێی تووشبوون به‌ كۆرۆنا تۆماركرا

  • 2 کاتژمێر پێش ئێستا

    هه‌ولێر.. دەیان باڵندەی جۆری "قاز و قورینگ" لە سنووری قه‌زای چۆمان مرداربوونەتەوە

  • 3 کاتژمێر پێش ئێستا

    وەزیری ناوخۆ: هاوڵاتییان وەک پێویست لە مەترسییەکانی کۆرۆنا تێنەگەیشتوون

  • 4 کاتژمێر پێش ئێستا

    فرۆكه‌خانه‌ی نێوده‌وڵه‌تی هه‌ولێر، توشبوونی كارمه‌ندانی به‌كۆرۆنا ڕه‌تده‌كاته‌وه‌

  • 7 کاتژمێر پێش ئێستا

    هاوپه‌یمانی نێوده‌وڵه‌تی به‌به‌های زیاتر له‌یه‌ك ملیۆن دۆلار هاوكاری هه‌سه‌ده‌ ده‌كات

  • 21 کاتژمێر پێش ئێستا

    چوار تووشبووی نوێی ڤایرۆسی کۆڕۆنا لە شاری ھەولێر دەستنیشانکران

سەرەتا