به‌سره‌.. خۆپیشانده‌ران رێگاكانی به‌نده‌ری ئوم قه‌سر ـیان داخست

په‌یام

به‌پێی زانیارییه‌كان، خۆپیشاندەران ئەو رێگایانەی کە دەچن بۆ بەندەرەکانی ئوم قەسر و خور زوبێر باشووری بەسرە داخستووە.

به‌پێی هه‌واڵی میدیا عێراقییه‌كان "لە بەیانی ئەمڕۆ چوارشەممەوە، خۆپیشاندەران ئەو رێگایانەی کە دەچن بۆ بەندەرەکانی ئوم قەسر و خور زوبێر داخستووە".

میدیا عێراقییه‌كان رایانگه‌یاند ئاماژەی بەوەیشکرد کە بەهۆی داخستنی رێگاکانەوە، جەنجاڵێکی زۆر درستبووە و دەیان ئۆتۆمبێل لەسەر رێگاکاندا وەستاون و ناتوانن بچنە بەندەرەکانی ئوم قەسر و خور زوبێر.

لە رۆژی  دووشەممەی رابردووە، خۆپیشاندەران بەهۆی جێبەجێ نەکردنی داواکارییەکانیان ئاستی خۆپیشاندان و ناڕەزایەتییە دەربڕینەکانیان زیاتر فراوانتر کردووە و دەستیانکردووە بە داخستنی رێگا سەرەکییەکانی نێوان پارێزگا و شارو شارۆچکەکان کە بەهۆیەوە رێگای هاتوچۆ لە ناوەڕاست و باشووری عێراق پەکخراوە.