ماتیچ یاریکردنی لە ئیتاڵیا لە مانەوەی لەسەر کورسی یەدەگ پێ باشترە

پەیام سپۆڕت - بڕیار تەها

نیمانیا ماتیچی سڕبی پێیوایە یاریکردن لە خولی ئیتاڵی لە مانەوەی لەسەر کورسی یەدەگی یانەی مانچستەر یونایتد باشترە.

 لە لێدوانێکیدا کە ڕۆژنامەی زەسەنی بەڕیتانی بڵاویکردۆتەوە ماتیچ سەبارەت بە دۆخی ئێستای لە یانەی مانجستەر یونایتد دەڵێت: ئەگەر سۆڵشایەر نایەوێت بە سەرەکی پشت بە من ببەستێت، ئەوا منیش نامەوێت لەسەر کورسی یەدەگی مانچستەر یونایتد بمێنمەوە.

لە درێژەی قسەکانیدا ئەو یاریزانە سڕبییە ئاماژە بەوەدەکات ئەگەر یانەکانی ئیتاڵیا گرنگی بە گواستنەوەی بدەن، ئەوان بەنیسبەت ئەوەوە یاریکردن لە خولی ئیتاڵی لە مانەوە لەسەر کورسی یەدەگی یانەکەی ئینگلتەرا باشترە.

ئەم لێدوانانەی ماتیچ لە کاتێکدایە لەم هاوینەدا هەردوو یانەی ئەیسی میلان و ئینتەرمیلان هەوڵی گواستنەوەی ماتیچ – یان دەدا، ئەمە لە کاتێکدا لوکاکۆ و سانچێز یاریزانانی شەیتانە سوورەکان لەم هاوینەدا پەیوەندیان بە خولی ئیتاڵی و یانەی ئینتەرمیلانەوە کرد.