14/01/2022 271 جار خوێنراوەتەوە

بارەگای پارتەكەی سەرۆكی ئەنجومەنی نوێنەرانی عێراق كرایە ئامانجی هێرشە موشەكییەكان

په‌یام

بارەگای پارتەكەی سەرۆكی ئەنجومەنی نوێنەرانی عێراق بەیانیی ئەمڕۆ كرایە ئامانجی هێرشە موشەكییەكان.

سەرچاوەكانی هەواڵ و چالاكانی تۆڕە كۆمەلایەتییەكان بڵاویانكردەوە بارەگای پارتی تەقەددوم پارتەكەی محەمەد حەلبوسی سەرۆكی ئەنجومەنی نوێنەرانی عێراق بەرەبەیانی ئەمڕۆ كراوەتە ئامانج.

بەپێی زانیارییەكان لە بارەگایەكی پارتی تەقەددوم لە ناوچەی ئەعزەمییەی بەغداد تەقینەوەیەك ڕوویداوە و بەخێرایی ناوچەی ڕووداوەكە لەلایەن هێزە ئەمنییەكانەوە داخراوە و هێزێكی زۆریش بڵاوەی پێ كراوە.

عەلی عیساوی ڕاوێژكاری یەكەمی حەلبوسی دوابەدوای هێرشەكە ڕایگەیاند بارەگاكە كراوەتە ئامانجی چەند هێرشێكی موشەكی كە سەرچاوەكەیان نادیارە، جەختیشی كردەوە بارودۆخەكە جێگیرە و هیچ زیانێكیان نییە و هێزەكانی پۆلیس و سوپا لەبەردەم بارەگاكە بڵاوەیان پێكراوە.

ئەم هێرشە دوای چەند كاتژمێرێك لەكەوتنەخوارەوەی موشەكێك دێت لە یەكێك لە قوتابخانەكانی ناوچەی سەوز و كەوتنەخوارەوەی دوو موشەك لە نزیك باڵیۆزخانەی ئەمریكا لە هەمان ناوچە.

لە تۆڕە کۆمەڵایەتیەکان شەیری بکە

  • 17 کاتژمێر پێش ئێستا

    عێراق.. بەپێی پێشبینییەك ڕێژەی بەشداریكردن لە هەڵبژاردندا %50 تێدەپەڕێنێت

  • 18 کاتژمێر پێش ئێستا

    لەكۆی 15 شاری جیهانى 11 شاری عێراق هەن لە نێو ڕێزبەندیی گەرمترینەكاندان

  • 18 کاتژمێر پێش ئێستا

    وەزیری نەوت: عێراق و توركیا ئامادەی هەناردەكردنەوەی نەوتن و چاوەڕێی هەرێمن

  • 24 کاتژمێر پێش ئێستا

    هۆزەكانی عێراق لە هەوڵى گەڕاندنەوەى كەسوكاری چەكدارانی داعش نیگەرانن

  • 2 رۆژ پێش ئێستا

    بەها ئەعرەجی: هەفتەى داهاتوو گرفتی مووچەی فەرمانبەرانی هەرێم چارەسەر دەبێت

  • 4 رۆژ پێش ئێستا

    نوری مالكی تاكه‌ كاندیدی ده‌وڵه‌تی یاسایه‌ بۆ پۆستی سه‌رۆكوه‌زیرانی عێراق

  • 5 رۆژ پێش ئێستا

    كۆمیسیۆن واده‌ی پڕكردنه‌وه‌ی فۆرمی كارمه‌ندی درێژكرده‌وه‌

  • 6 رۆژ پێش ئێستا

    سەرۆكۆمار و سەرۆكوەزیران تاوتوێى هەڵبژاردن مووچەی هەرێمیان کرد

سەرەتا