11/01/2022
556 جار خوێنراوەتەوە
یەکەم یانەی گەورەی ئەوروپا گواستنەوەی دێمبڵی ڕەت دەکاتەوە
پەیامۆ سپۆڕت - مەروان تالب
یانەی پاریس سانجێرمانی فەڕەنسی خواستی گرێبەستکردن
لەگەڵ عۆسمان دێمبڵی یاریزانی بەرشەلۆنە ڕەت دەکاتەوە.
ڕۆژنامەی "لیکیپ"ی فەڕەنسی ئەوەی بڵاو
کردۆتەوە، ئەو دەنگۆیانەی باس لە خواستی یانەی پاریس سانجێرمان دەکات بۆ کڕینی عۆسمان
دێمبڵی لە گواستنەوەی هاوینە دوورن لە ڕاستییەوە.
ڕۆژنامه فەڕەنسییەکە ئەوەش ئاشکرا دەکات، لیۆناردۆی
بەڕێوەبەری وەرزشی پاریس ئەوەی ڕاگەیاندووە، تەنانەت بیر لە کڕینی دێمبڵیش ناکەنەوە
و ئەو هەواڵانەی باس لە قسەکردن لەگەڵ کەسە نزیکەکانی دەکەن تەنیا پڕووپاگەندەی ڕۆژنامەکانی
ئیسپانییایە.
لە کۆتایدا لیکیپ داهاتووی ئەو یاریزانە بە یانەی
چێڵسییەوە دەبەستێتەوە و ئەمەش بەهۆی ئەوەی لە ڕابردوو تۆماس تۆخێلی ڕاهێنەری ئێستای
بلوز لەگەڵ ئەو یاریزانەدا لە بوڕوسیا دۆڕتمۆند کاری کردووە، ئەگەر چێڵسیش سەرکەوتوو
نەبێت عۆسمان ناچار دەبێت گرێبەستەکەی نوێ بکاتەوە.
لە تۆڕە کۆمەڵایەتیەکان شەیری بکە