09/01/2022
385 جار خوێنراوەتەوە
چاڤی بەرانبەر ڕیاڵ مەدرید یاریزانێکی سەرەکی لەدەست دا
پەیام سپۆڕت - بڕیار تەها
یانەی بەرشەلۆنەی
ئیسپانی پێکانی ئیریک گارسیایی بەرگریکاری لاوی یانەکەی ڕاگەیاند و بەم هۆیەشەوە
یاریزانەکە لە جامی سوپەری ئیسپانی بەشداری ناکات.
گارسیا لە یارییەکەیان
بەرانبەر غەرناتە دووچاری پێکان هات و بە ناچاری لە خولەکی 54دا چاڤی ڕاهێنەری گۆڕانکاری
پێکرد و لە یاریگای هێنایە دەرەوە.
لە ماڵپەری تایبەت
بە خۆی یانە کەتەلۆنییەکە ئاشکرای کرد، پاش ئەوەی پشکنینی وردیان بۆ گارسیا
ئەنجامداوە دەرکەوتووە یاریزانەکە لە ماسولکەکانی ڕانی ڕاستیدا دووچاری پێکان
هاتووە و بەو هۆیەشەوە یانەکە بۆ ماوەی پێنچ هەفتە لە تواناکانی ئەو بەرگریکارەی
بێ بەش دەبێت.
بەهۆی ئەم پێکانەوە
گارسیا ناتوانێت لە جامی سوپەری ئیسپانی بەشداری بکات، کە وا بڕیارە 12ی ئەم مانگە
یارییەکانی لە وڵاتی سعودییە ئەنجام بدرێت و ڕۆژی چوارشەممەش لە کاتژمێر 10:00ی
شەو لە یاری پێشکۆتایی بەرشەلۆنە ڕووبەڕووی ڕیاڵ مەدرید دەبێتەوە.
جێی ئاماژەیە بۆ
جامی سوپەری ئیسپانی، بلاوگرانا جگە لە گارسیا لە تواناکانی ڕۆناڵد ئاراوخش بێ بەش
دەبێت.
لە تۆڕە کۆمەڵایەتیەکان شەیری بکە