08/01/2022
346 جار خوێنراوەتەوە
وردەکاری گرێبەستی کۆتینیۆ بۆ ئەستۆن ڤێلا ئاشکرا دەبێت
پەیام سپۆڕت - بڕیار تەها
پاش ئەوەی یانەی
ئەستۆن ڤێلا توانی گرێبەستی فیلیپی کۆتینیۆی بەڕازیلی بە خواستن یەکلایی بکاتەوە،
ڕۆژنامەکانیش وردەکاریی ڕێککەوتنەکە ئاشکرا دەکەن.
دوێنی هەینی یانەی
ئەستۆن ڤێلا بە فەڕمی و بە خواستن تا کۆتایی ئەم وەرز گواستنەوەی کۆتینیۆی لە
یانەی بەرشەلۆنەوە ڕاگەیاند، لای خۆشیانەوە میدیاکانی ئیسپانی و ئینگلتەرا ئاشکرای
دەکەن، لە کۆتایی ئەم وەرزە یانەی ئینگلیزییەکە دەتوانێت لە بەرانبەر 40 ملیۆن
یۆرۆدا گرێبەستی کۆتینیۆ بکاتە هەمیشەیی.
هەروەها ئەوەشیان
ئاشکرا کردووە، مووچەی ئەم وەرزی یاریزانە بەڕازیلییەکە تەنیا یەک یانە دابینی
ناکات و هەردوو یانەکە لەسەر ئەوە ڕێککەوتوون کە ئەستۆن ڤێلا %٦٥ مووچەی بکات و
یانەی بەرشەلۆنەش ناچارە %٣٥ی مووچەکەی بۆ تەواو بکات، مووچەی کۆتینیۆش لە
وەرزێکدا نزیکەی 24 ملیۆن یۆرۆیە.
ڕۆیشتنی کۆتینیۆ لە
بەرشەلۆنە کارئاسانی بۆ یانە کەتەلۆنییەکە دەکات ناوی فێران تۆرێس لە ڕێکخراوی
لالیگا تۆمار بکات.
لە تۆڕە کۆمەڵایەتیەکان شەیری بکە