28/12/2021 939 جار خوێنراوەتەوە

مباپێ: لە پاریس سانجێرمان دەمێنمەوە و ناچمە ڕیاڵ مەدرید

پەیام سپۆڕت - بڕیار تەها

کیلیان مباپێی فەڕەنسی ڕایگەیاند، لە مێرکاتۆی زستانەدا پەیوەندی بە ڕیاڵ مەدریدەوە ناکات و لە یانەی پاریس سانجێرمان دەمێنێتەوە.

 لە میانی نوێترین دیداریدا لەگەڵ تۆڕێ هەواڵی "CNN سەبارەت بە پەیوەندیکردنی بە یانەی ڕیاڵ مەدریدەوە لە مێرکاتۆی زستانەدا، مباپێ وتی: لە مێرکاتۆی زستانەدا ڕیزەکانی پاریس سانجێرمان جێناهێڵم و لە پاریس زۆر دڵخۆشم، لە پاریس سانجێرمان کۆتایی بەم وەرزە دەهێنم و تەواوی توانای خۆم بۆ بۆ بردنەوەی نازناوی چامپیۆنسلیگ و لیگ وەن و جامی فەڕەنسی بەکار دەهێنم.

لە وەڵامی پرسیارێکی دیکەدا و لە بارەی داهاتوویەوە، مباپێ ئاماژەی بەوەکرد، ئێستا کاتی ئەوە نییە باسی دوای کۆتایی هاتنی گرێبەستەکەی بکات و تەنیا بیر لەوە دەکاتەوە شکست بە ڕیاڵ مەدرید بهێنن.

لە بە شێکی دیکەی قسەکانیدا یاریزانە فەڕەنسییەکە ڕایگەیاند، پەشیمان نییە لەوەی لە هاوینی ڕابردوو گواستنەوەی بۆ ڕیاڵ مەدرید شکستی هێناوە، لەبەر ئەوەی ڕاستگۆیانە قسەی کردووە و کەسیش ناتوانێت سەبارەت بە هەستە تایبەتییەکانی هیچ شتێکی خراپ بڵێت، هەروەها وتیشی: من خۆشحاڵ بە مانەوەم لە پاریس و یاریکردن لەگەڵ مێسی و یاریزانەکانی دیکە.

لە کۆتایی قسەکانیدا مباپێی دەڵێت: پاریس شاری من و فەڕەنساش وڵاتەکەمە، لەبەر ئەوە دڵخۆشم کە لێرەم و شانازییەکەی گەورەیە بۆ من لەگەڵ مێسی یاری دەکەم و دەمەوێت چێژ لە یاریکردن لەگەڵ لیۆ وەربگرم.

لە تۆڕە کۆمەڵایەتیەکان شەیری بکە

  • 16 کاتژمێر پێش ئێستا

    لیستی 10 لەو ڕاهێنەرانە بڵاو دەبێتەوە کە زۆرترین مووچە لە هەڵبژاردەکان وەردەگرن

  • 2 رۆژ پێش ئێستا

    سلۆت جیاوازییەکی تیپەکەی بەراورد بە وەرزی ڕابردوو ئاشکرا دەکات

  • 3 رۆژ پێش ئێستا

    دادگای ئیسپانیا لێکۆڵینەوە لە بەرشەلۆنە و ئەتلەتیکۆ مەدرید دەکات

  • 3 رۆژ پێش ئێستا

    نیکۆ کۆڤاچ هەڕەشە لە بایرن میونخ دەکات

  • 4 رۆژ پێش ئێستا

    ڤینیسیۆس پەلکێشی دادگا دەکرێت

  • 4 رۆژ پێش ئێستا

    ئەیسی میلان گرێبەستێکی 100 ملیۆن یۆرۆی ئەنجام دا

  • 5 رۆژ پێش ئێستا

    گاکپۆ هۆکاری ئەنجامە خراپەکانی لیڤەرپووڵ ڕوون دەکاتەوە

  • 7 رۆژ پێش ئێستا

    بەرشەلۆنە لەبارەی داهاتووی لیڤاندۆڤسكییەوە یەكلا بووەتەوە

سەرەتا