هۆکاری درێژنەکردنەوەی گرێبەستی دێمبڵی لەگەڵ بەرشەلۆنە ئاشکرا دەبێت

پەیام سپۆڕت - بڕیار تەها

یانەی نیوکاسڵی ئینگلیزی بۆ نوێکردنەوەی گرێبەستی دێمبڵی بەربەستی بۆ یانەی بەرشەلۆنەی ئیسپانی دروست کردووە.

بۆندی یاریزانەکە هاوینی 2022 لەگەڵ یانەکەی کۆتایی دێت و ماوەی نزیکەی دوو مانگە سەرۆکایەتی نوێی یانەی بەرشەلۆنە پلانیان بۆ نوێکردنەوەی گرێبەستی دێمبڵی هێرشبەری یانەکەی داناوە و لەم ماوەی چەند هەفتەی ڕابردووش چەند کۆبوونەوەیەک سەبارەت بەم بابەتە لە نێوان ماتیو ئالیمانی سکرتێری هونەری بەرشەلۆنە و بریکارەکەی دێمبڵی ڕووی داوە، بەڵام یاریزانە فەڕەنسییەکە تا ئێستا وەڵامی کۆتایی بەرپرسانی بلاوگرانای نەداوەتەوە.

ڕۆژنامەی موندۆی کەتەلۆنیش نهێنی دواخستنەوەی وەڵامی کۆتایی دێمبڵی بۆ یانەکەی ئاشکرای کردووە و بەپێی زانیارییەکانی ڕۆژنامە نزیکەکە لە یانەی بەرشەلۆنە، ماوەی چەند هەفتەیەکە دێمبڵی گرێبەستێکی بە مووچەی 15 ملیۆن یۆرۆی ساڵانە لە یانەی یانەی نیوکاسڵەوە بە دەستگەیشتووە، ئەمە جگە لەوەی یانەی ئینگلیزییەکە ئامادەیە 15 ملیۆنیش وەک پاداشتی واژووکردنی گرێبەستەکە بە یاریزانەکە بدات.

ڕۆژنامەیەکە ئەوەشی خسۆتە ڕوو، ئەو پارەیەیی یانەی نیوکاسڵ بۆ دێمبڵی تەرخان کردووە زۆر دوورە لەوەی یانەی بەرشەلۆنە دەیەوێت بە دێمبڵی بدات و ئەمەش وایکردووە یاریزانەکە وەڵامی کۆتایی بەرشەلۆنە نەداتەوە، بەڵام لە هەمانکاتیشدا دێمبڵی نایەوێت لە وەڵامدانەوەی یانەی نیوکاسڵیش پەلە بکات و ترسی لەوە هەیە لە کۆتایی ئەم وەرزە یانەی نیوکاسڵ لە خولی نایابی ئینگلیزی بۆ ڕیزی یانە پلە یەکەکانی ئەو وڵاتەدا داببەزێت.

یانەی نیوکاسڵ بە ئەنجامدانی 18 یاری لە پرێمەرلیگ تەنیا 10 خاڵی کۆکردۆتەوە و لە پلەی 19م و پێشکۆتاییدایە و دەکەوێتە ناوچەی دابەزینەوە.