01/12/2021
559 جار خوێنراوەتەوە
دواین ئاگادارکردنەوە لە بەرشەلۆنە بۆ دێمبڵی
پەیام سپۆڕت - بڕیار تەها
یانەی بەرشەلۆنەی
ئیسپانی لە دواین ئاگادارکردنەوەدا داوای لە عۆسمان دێمبڵی فەڕەنسی و هێرشبەری
یانەکەی کردووە لە دوو هەفتەی داهاتوودا چارەنووسی خۆی یەکلایی بکاتەوە.
گرێبەستی دێمبڵی
لەگەڵ یانەی بەرشەلۆنە کۆتایی ئەم وەرزە بە پایان دەگات و یاریزانەکە لە مانگی
داهاتوودا دەتوانێت گفتوگۆی ئازادانە لەگەڵ هەر یانەیەکی دیکە بکات کە مەبەستێتی.
سەبارەت بە
چارەنووسی ئەو یاریزانە ڕۆژنامەی موندۆ دیپۆڕتیڤۆی کەتەلۆنی ئاشکرای دەکات،
بەرپرسانی یانە کەتەلۆنییەکە لە دواین ئاگادارکردنەوەدا تەنیا 15 ڕۆژیان بۆ دێمبڵی
داناوە تا ئەوەی وەڵامی کۆتاییان لەبارەی گرێبەستەکەی بداتەوە بەوەی ئامادەیە
گرێبەستەکەی نوێ بکاتەوە یان نایەوێت لەگەڵ یانەکە بەردەوام بێت.
سەرچاوەکە ئاماژەی
بەوەشکردووە، یاریزانەکە دەیەوێت لەگەڵ بلاوگرانا بەردەوام بێت بەتایبەتی پاش
ئەوەی چاڤی ڕاهێنەرایەتی یانەکەی وەرگرتووە، بەڵام بریکارەکەی بەبێ هۆکارێکی
ڕاستەقینەیی تا ئێستا گفتوگۆکانی دواخستووە.
لە تۆڕە کۆمەڵایەتیەکان شەیری بکە