29/11/2021 307 جار خوێنراوەتەوە

وه‌زیری ده‌ره‌وه‌ی عێراق: ئه‌گه‌ر خه‌ڵك دۆخی سیاسی و ئه‌منی و ئابوری باش بێت كۆچ ناكات

پەیام

فوئاد حوسێن وه‌زیری ده‌ره‌وه‌ی عێراق، رایگه‌یاند یه‌كێتیی ئه‌ورووپا رێگه‌ به‌ كۆچبه‌ران نادات بچنه‌ ناو خاكی یه‌كێتییه‌كه‌ و ئه‌وانه‌ قوربانی ململانێی سیاسیی نێوان بێلاڕووس و یه‌كێتیی ئه‌ورووپان.

فوئاد حوسێن له‌ دیمانه‌یه‌كدا له‌گه‌ڵ ئاژانسی ئانادۆڵو، له‌باره‌ی پرسی كۆچبه‌رانه‌وه‌ قسه‌ی كرد و وتی: "ئه‌گه‌ر دۆخی سیاسیی، ئابووریی و ئه‌منیی عێراق باش بێت، ئه‌م خه‌ڵكه‌ هه‌وڵ نادات كۆچ بكات".

وه‌زیری ده‌ره‌وه‌ی عێراق باسی له‌ كۆچبه‌رانی سه‌ر سنووره‌كانی یه‌كێتیی ئه‌ورووپا كردووه‌و رایگه‌یاندووه‌"هۆكاره‌كانی كۆچ زۆرن، كۆچ شتێكی كۆنه‌ و له‌گه‌ڵ مرۆڤایه‌تی هه‌بووه‌، به‌ڵام ئه‌گه‌ر دۆخی سیاسیی، ئابووریی و ئه‌منیی عێراق باش بێت، ئه‌م خه‌ڵكه‌ هه‌وڵ نادات كۆچ بكات".

فواد حسێن ئاشكراشیكردووه‌ تا ئێستا پێنج گه‌شتیان ئه‌نجامداوه‌ و هه‌زار و 890 كه‌سیان هێناوه‌ته‌وه‌ له‌ بێلاڕووس.

به‌وته‌ی فوئاد حوسێن، كۆچبه‌رانی سنوره‌كانی پۆڵه‌ندا و بیلاڕووس، بوونه‌ته‌ قوربانی ململانێی سیاسیی له‌نێوان بێلاڕووس و یه‌كێتیی ئه‌ورووپا به‌ تایبه‌تی له‌نێوان بێلاڕووس لیتوانیا.

فوئاد حوسێن له‌ وه‌ڵامی ئه‌و پرسیاره‌ی كه‌ ره‌خساندنی هه‌لی ژیانێكی باش بۆ كۆچبه‌ران دوای گه‌ڕانه‌وه‌یان چۆن ده‌بێت گوتی: "ئه‌م خه‌ڵكه‌ ده‌گه‌ڕێنه‌وه‌ سه‌ر ماڵ و حاڵی خۆیان. ئاوه‌دانكردنه‌وه‌ی ناوچه‌ جیاوازه‌كانی عێراق په‌یوه‌ندی به‌ دۆخی سیاسیی، ئابووریی و ئه‌منیی عێراقه‌وه‌ هه‌یه‌ و ئه‌گه‌ر دۆخی سیاسیی، ئابووریی و ئه‌منیی عێراق باش بێت، ئه‌م خه‌ڵكه‌ هه‌وڵ نادات كۆچ بكات".

لە تۆڕە کۆمەڵایەتیەکان شەیری بکە

  • 24 خولەک پێش ئێستا

    هۆزەكانی عێراق لە هەوڵى گەڕاندنەوەى كەسوكاری چەكدارانی داعش نیگەرانن

  • 23 کاتژمێر پێش ئێستا

    بەها ئەعرەجی: هەفتەى داهاتوو گرفتی مووچەی فەرمانبەرانی هەرێم چارەسەر دەبێت

  • 3 رۆژ پێش ئێستا

    نوری مالكی تاكه‌ كاندیدی ده‌وڵه‌تی یاسایه‌ بۆ پۆستی سه‌رۆكوه‌زیرانی عێراق

  • 4 رۆژ پێش ئێستا

    كۆمیسیۆن واده‌ی پڕكردنه‌وه‌ی فۆرمی كارمه‌ندی درێژكرده‌وه‌

  • 5 رۆژ پێش ئێستا

    سەرۆكۆمار و سەرۆكوەزیران تاوتوێى هەڵبژاردن مووچەی هەرێمیان کرد

  • 5 رۆژ پێش ئێستا

    سەرۆكایەتیی ‏نوێی دادگای فیدراڵی کۆبووەوە و باسى مووچەی هەرێمى نەكرد

  • 5 رۆژ پێش ئێستا

    سوودانی عێراق لە وڵاتێكی هاوردەكاری بەنزینەوە دەبێتە وڵاتێكی هەناردەكار

  • 5 رۆژ پێش ئێستا

    ژمارەی گەشتەكان بە ئاسمانی عێراقدا لە ڕۆژێكدا بۆ 700 گەشت زیادیكردووە

سەرەتا