کێشە لە نێوان بەرشەلۆنە و ئەستێرەیەکی دروست بووە

پەیام سپۆڕت - مەروان تالب

داهاتووی سێرجی ڕۆبێرتۆی یاریزانی یانەی بەرشەلۆنە تا ئێستا ڕوون نییە و پاش چەندین کۆبوونەوە تا ئێستا نەگیشوونەتە ڕێککەوتن.

 ڕۆژنامەی مۆندۆ دیپۆرتیڤی نزیک لە یانەی بەرشەلۆنە لە هەواڵێکدا ئەوەی ڕاگەیاندووە، نوێکردنەوەی گرێبەستی ڕۆبێرتۆ لەگەڵ یانەکە کێشەی تێکەوتووە ئەوەش سەرەڕای ئەوەی چاڤی داوای نوێکردنەوەی گرێبەستەکی کردووە.

ڕۆژنامەکە ئەوەشی ئاشکرا کردووە، ماوەی زیاتر لە یەک مانگ و نیوە پەیوەندی نێوان  یاریزانەکە و کارگێڕی بەرشەلۆنە ڕاگیراوە، پێشبینی دەکرێت لەم هەفتەیەدا جارێکی دیکە گفتووگۆکان بۆ نوێکردنەوەی گرێبەستەکی دەست پێبکەنەوە.

سەرچاوەکە باسی لەوەش کردوە، هۆکاری نوێنەکردنەوەی گرێبەستی ڕۆبێرتۆ لەگەڵ یانە کەتەلۆنییەکە بۆ ئەوە دەگەڕێتەوە یاریزانەکە ئامادە نییە موچەکەی کەم بکاتەوە، ئەمەش کارگێڕی بەرشەلۆنەی دوودڵ کردووە.

لە کۆتایدا مۆندۆ ڕایگەیاند،ئەگەر گفتووگۆکان بەو شێوەیە بەردەوام بن و ڕۆبێرتۆ موچەکەی کەم نەکاتەوە یانەکە ناچار دەبێت لە گواستنەوەی زستانە دەستبەرداری یاریزانەکە بێت.