28/11/2021 357 جار خوێنراوەتەوە

كۆمپانیایه‌كی ته‌كنۆلۆجی فه‌ڕه‌نسی به‌ یارمه‌تیدانی ده‌سەڵاتی كوده‌تای میسر تۆمه‌تبار ده‌كرێت

پەیام

كۆمپانیایه‌كی بواری ته‌كنه‌لۆجی فه‌ڕه‌نسی تۆمه‌تبار كرا به‌وه‌ی له‌ ڕێی دابینكردنی ئامێری چاودێرییه‌وه‌ ڕۆڵی له‌ ئه‌شكه‌نجه‌دان و بێسه‌روشوێنكردنی نه‌یارانی ڕژێمی كوده‌تای میسردا هه‌بووه‌.

مانگی ڕابردوو، ده‌زگای دادوه‌ریی فه‌ڕه‌نسا كۆمپانیای (نیكسا ته‌كنۆلۆجی)ی ولاته‌كه‌ی تۆمه‌تبار كرد به‌وه‌ی ئامێری چاودێریی به‌ ڕژێمی كوده‌تای میسر فرۆشتووه‌ و به‌و هۆیه‌وه‌ له‌ ئه‌شكه‌نجه‌دان و بێسه‌روشوێنكردنی نه‌یاران و كه‌سایه‌تییانی ئۆپۆزسیۆنی ئه‌و ولێته‌ تێوه‌ گلاوه‌.

ماڵپه‌ری (فڕانس 24) له‌سه‌ر زاری سه‌رچاوه‌یه‌كه‌وه‌ كه‌ ناوی ئاشكرا نه‌كردووه‌ بڵاویكرده‌وه‌: ڕژێمی میسر له‌ ڕێی ئه‌و ئامێرانه‌وه‌ كه‌ له‌ كۆمپانیا فه‌ڕه‌نسییه‌ لۆكاڵییه‌كه‌ی كڕیوه‌ چاودێری كه‌سایه‌تییه‌ سیاسییه‌ ئۆپۆزسیۆنه‌كانی سه‌ر به‌ ئیخوان موسلیمینی كردووه‌.

به‌رنامه‌ی (سیریبرۆ) كه‌ كۆمپانیای (نیكسا ته‌كنۆلۆجی) گه‌شه‌ی زیاتری پێ داوه‌ توانای چاودێری په‌یوه‌ندیی ئه‌لیكترۆنیی له‌ ڕێی ناونیشانی ئه‌لیكترۆنیی و ژماره‌ی ته‌له‌فونه‌وه‌ هه‌یه‌.

سه‌ره‌تای ئه‌م دۆسیه‌یه‌ بۆ ساڵی 2017 ده‌گه‌ڕێته‌وه‌ دوای ئه‌وه‌ی ڕێكخراوی مافی مرۆڤی نێوده‌وڵه‌تی و یه‌كێتی مافی مرۆڤ به‌ پاڵپشتی ناوه‌ندی قاهیره‌ بۆ توێژینه‌وه‌ی مافی مرۆڤ سكالێیان له‌سه‌ر كۆمپانیاكه‌ تۆمار كرد.

به‌پێی زانیارییه‌كان، كۆمپانیاكه‌ له‌ ئاداری 2014 به‌ بڕی 11 ملیۆن و 300 هه‌زار دۆلار ئاماری چاودێری و سیخوڕی بۆ بنه‌بڕكردنی ڕێكخراوی ئیخوان موسلیمین به‌ میسر فرۆشتووه‌.

لە تۆڕە کۆمەڵایەتیەکان شەیری بکە

  • 23 کاتژمێر پێش ئێستا

    ئێران ئەنجامدانی گفتوگۆی ڕاستەوخۆی پزیشكیان و ترەمپ بەدوور دەزانێت

  • 23 کاتژمێر پێش ئێستا

    ئەمریكا هۆشداری دەداتە ئێران بە هێمنی مانۆڕ لە گەرووی هورمز بكەن

  • 23 کاتژمێر پێش ئێستا

    ئەنجومەنی سەربازی بوركینافاسۆ سەرجەم پارتە سیاسییەكانی وڵاتەكەی هەڵدەوەشێنێتەوە

  • 1 رۆژ پێش ئێستا

    ئەمریکا.. دەنگ بە پڕۆژەیاسای بودجە نەدرا و بەشێک لە حکومەت داخرا

  • 2 رۆژ پێش ئێستا

    واشنتۆن ڤیزا و مافی مانەوە لە بەرپرسانی باڵای ئێران دەسێنێتەوە

  • 2 رۆژ پێش ئێستا

    ئەمریكا سزاكانی سەر كەرتی نەوتی ڤەنزوێلای كەمكردەوە

  • 2 رۆژ پێش ئێستا

    ڕووسیا: دەسەڵاتدارانی سووریا دەستیان لە داوای دادگاییكردنی ئەسەد هەڵگرتووە

  • 2 رۆژ پێش ئێستا

    پاكستان: بەشداریمان لە شاندی ئاشتی غـ.ەززە لەپێناو دابینكردنی هاوكارییەكانە

سەرەتا