جۆرجینیۆ: شایستەی بردنەوەی خەڵاتی تۆپی ئاڵتوونیم

پەیام سپۆڕت - مەروان تاڵب

جۆرجینیۆی ئیتاڵی ئاماژە بەوە دەکات خۆی بە پاڵێوراوی سەرەکی بردنەوەی خەڵاتی تۆپی ئاڵوتنی دەزانێت و پپێشی وایە شآیستەی ئەو خەڵاتەیە.

لە لێدوانێکیدا بۆ تۆڕی پلاسەری بەڕازیلی جۆرجینیۆی ئیتاڵی و یاریزانی یانەی چێڵسی وتی: بەڵێ من خۆم بەپاڵێوراوی سەرەکی بردنەوەی خەڵاتی تۆپی ئاڵتونی دەزانم، چونکە دەستکەوتەکانم و ئاستەکەم لە وەرزی ڕابردوو ئەوە دەردەخات کە شایستەی ئەو خەڵاتەم.

جۆرجینیۆ ئەوەشی ڕاگەیاند، کەم یاریزان هەیە وەک ئەو لە ساڵیکدا نازناوی یۆرۆ و چامپیۆنسلیگ و سۆپەری ئەوروپا بباتەوە، دڵینیام دەتوانم ئەو خەڵاتە ببمەوە چونکە ئامارەکان لەگەڵ چێڵسی و ئیتاڵیا ئەوە نیشان دەدات.

لە کۆتایدا یاریزانەکەی چێڵسی ئاشکرایی کرد، بە دڵنییایەوە خۆم بە مێسی و ڕۆناڵدۆ یان نێماڕ و مباپێ بەراورد ناکەم، چونکە ئەوە شتێکی باش نییە.

جۆرجینیۆ لەگەڵ هەڵبژاردەی ئیتاڵیا توانی نازناوی یۆرۆ بباتەوە و لەگەڵ چێڵسی ئینگلیزیش نازناوی چامپیۆنسلیگ و جامی سۆپەری ئەوروپی بردۆتەوە.