23/08/2019
503 جار خوێنراوەتەوە
دانوستانی نێوان ئەمریكا و بزووتنەوەی تاڵیبان لە قەتەر دەستیپێكردەوە
پهیام
سەرچاوەیەكی ئەمریكی ئاشكرای كرد: ڕۆژی ڕابردوو، لە دەوحەی پایتەختی قەتەر، گەڕێكی دیكەی دانوستانی نێوان ئەمریكا و بزووتنەوەی تاڵیبان بۆ گەیشتن بە ڕێكەوتنی كشانەوەی ئەمریكا لە ئەفغانستان، دەستیپێكردەوە.
پێشبینی دەكرێت هەردوو لایەنی دانوستانەكە لەسەر كشانەوەی 13 هەزار سەربازی ئەمریكا لە ماوەیەكی دیارییكراودا، بگەنە ڕێككەوتن، كە ئەوەش بە خواستو داواكاری سەرەكی بزووتنەوەی تاڵیبانە.
ئەمریكا خوازیارە تا سەرەتای مانگی داهاتوو لەگەڵ تاڵیبان بە ڕێككەوتن بگات، یەكێك لە گەوڕە دانوستانكارانی تاڵیبانیش دەڵێ: گفتوگۆكان بەو شێوەیە نەخشەی بۆ دانراوە بەڕێوەدەچێت.
دوای 18 ساڵ لە داگیركردنی ئەفغانستان لەلایەن ئەمریكاوە و لادانی تاڵیبان لە دەسەڵات، ڕێكەوتنێكی لەو شێوەیە ـ ئەگەر سەربگرێت ـ بە هەنگاوێكی مێژووی ئەژمار دەكرێت.
لە تۆڕە کۆمەڵایەتیەکان شەیری بکە