23/08/2019
497 جار خوێنراوەتەوە
یه‌مه‌ن.. شەڕ و پێكدادان لەنێوان هێزەكانی ئەنجومەنی ڕاگوزەر و حكومەتی شەرعی دا ڕوویدا
په‌یام
لە ناوچەیەكی دیكەی یەمەنیش شەڕ و پێكدادان لەنێوان هێزەكانی ئەنجومەنی ڕاگوزەر و حكومەتی شەرعی دا ڕوویدا.
لە شارۆچكەی (ئاتاك)ی سەر بە ناوەندی پارێزگای (شەبوە) لە یەمەن، پێكدادان لە نێوان یەكەكانی سەر بە ئەنجوومەنی ڕاگوزەری باشوور كە لەلایەن ئیماراتەوە پشتیوانیی دەكرێت لەگەڵ هێزەكانی سەر بە حكومەتی شەرعی ڕوویدا.
بەپێی زانیارییەكانی سەرچاوەكانی سوپا، لە زۆر خاڵی دەوروبەری ئاتاك، پێكدادان لەنێوان هێزە هەڵبژێردراوەكانی شەبوانییەی ئەنجومەنی ڕاگوزەری باشوور، لەگەڵ لیوای 21ی سوپای حكومیی یەمەن، سەریهەڵداوە.
هێزە پشتیوانییكراوەكان لەلایەن ئیمارات، لە دەرەوەی (ئاتاك) جێگیر بوون و لە هەوڵی ئەوەدان دەست بەسەر شارەكەدا بگرن، هێزەكانی سەر بە حكومەتیش بەرگری لە شارەكە دەكەن.
پێشتریش ئەو هێزانەی ئەنجومەنی ڕاگوزەر دەستیان بەسەر شاری عەدەن، دووەمین پایتەختی حكومەتی شەرعیدا گرت.
لە تۆڕە کۆمەڵایەتیەکان شەیری بکە