23/10/2021
347 جار خوێنراوەتەوە
تەندروستی هەڵەبجە: هەر فەرمانبەرێك ڤاكسینی وەرنەگرتبێت، موچەی پینادرێت
پەیام
بەڕێوەبەرایەتیی تەندروستی هەڵەبجە، وەرگرتنی ڤاكسین لەلایەن فەرمانبەرانی بەڕێوەبەرایەتییەكەیەوە دەكاتە مەرج بۆ پێدانی موچەكانیان.
دكتۆر ئازاد مستەفا بەڕێوەبەری گشتی تەندروستی هەڵەبجە لە راگەیەندراوێكدا دەڵێت "هەر فەرمانبەرێكی سنووری بەڕێوەبەرایەتی گشتیی تەندروستیی هەڵەبجە ڤاكسینی كۆرۆنای وەرنەگرتبێت، موچەی پینادرێت".
دەشڵێت "كارتی وەرگرتنی ڤاكسین وەك بەڵگە لە فەرمانبەر وەردەگیرێت بەرلەوەی موچەكەی پێ بدرێت، دەبێت كارتی وەرگرتنی ڤاكسین ببرێت بۆ بەشی ژمێریاری".
چەند رۆژێكە ژمارەی توشبووان و مردووان بە ڤایرۆسی كۆرۆنا لە ناوچەكانی هەرێم رووى لە زیادبوون کردووەو بەوهۆیەشەوە زۆرینەی بەڕێوەبەرایەتییە تەندروستییەكان هۆشدارییان لە بارودۆخەكە داوە.
لە تۆڕە کۆمەڵایەتیەکان شەیری بکە