23/09/2021
371 جار خوێنراوەتەوە
كۆمیسیۆن: ئەو زیندانییانەی بە كەمتر لە پێنج ساڵ حوكم دراون، مافی دەگندانیان هەیە
پهیام
كۆمیسیۆنی
باڵای هەڵبژاردنەكانی عێراق تایبەت بە دەنگدانی تایبەت لە زیندانەكانی عێراقدا چەند
رێوشوێنێكی گرتووەتەبەر و بە پێی چەند رێوشوێنێك بەشێك لە زیندانیكراوان مافی دەنگدانیان
دەبێت.
جومانە
غەلای وتەبێژی كۆمسیۆنی باڵای هەڵبژاردنەكانی عێراق لەمبارەوە رایگەیاند:"كۆمسیۆن
لە ڕۆژی دەنگدانی تایبەتدا حەوت وێستگەی دەنگدانی تەرخان كردووە بۆ مەبەستی دەنگدان
بە زیندانیان".
وتیشی:"دەنگدانی
زیندانیان لەڕێگەی كارتی بایۆمەترییەوە دەبێت و بەپێی ئەو داتایەی پێشتر تۆماركراون".
وتەبێژی
كۆمیسۆن ئاماژەی بەوەشكرد:"ئەو كەسانەی كە كەمتر لە پێنج ساڵ سزایان هەیە،
مافی بەشداریكردنیان هەیە، لەكاتێكدا هەر زیندانییەكی سزادراو بە زیاتر لە پێنج ساڵ
سزا درا بێت و بەپێی یاسای هەڵبژاردن مافی دەنگدانی نابێت".
بڕیارە
ڕۆژی 10ی تشرینی یەكەم هەڵبژاردنی پێشوەختی پەرلەمان ئەنجامبدرێت، كە دەنگدانی ئەلیكترۆنی
لەسەرانسەری عێراق بەڕێوەدەچێت و هەرێمی كوردستانیش دەگرێتەوە.
دەنگدانی
تایبەت كە ئەندامانی دەزگا ئەمنییەكان و زیندانیان و ئاوارەكانی تێدایە، لە هەشتی
تشرینی یەكەم و دوو ڕۆژ پێش دەنگدانی گشتی بەڕێوەدەچێت.
لە تۆڕە کۆمەڵایەتیەکان شەیری بکە