20/08/2021 4359 جار خوێنراوەتەوە

بالووكه‌ له‌ چییه‌وه‌ درووست ده‌بێت و چاره‌سه‌ری چییه‌؟

بالوکە بریتیە لە نەخۆشیەکی گواستراوەی پێست، کە بەھۆی ڤایرۆسی (Human Papiloma Virus) دروست دەبێت.

ئەم ڤایرۆسە زیاتر لە ١٥٠ جۆری ھەیە، بەڵام تەنھا بەشێکیان تووشی پێست دەبن.

ڕێگای گواستنەوە:

بەرکەوتنی ڕاستەوخۆی پێستی کەسی تووش بوو بە کەسی ساغ.

گواستنەوەی لە ھەمان کەسدا لە شوێنێکەوە بۆ شوێنێکی تر (auto inoculation)، چەند جۆرێکی ھەیە کە لێرەدا ئاماژە بە ھەنێکیان دەکەین:

بالوکەی باو ( Verruca Vulgaris): ئەم جۆرە وەکو گرێیەکی رەق و زبر دەرەکەوێت، دەگونجێت یەک دانە یان چەن دانەیەک بێت و نوقتەی بۆریچکە خوێنی ڕەشی تیا بێت، زیاتر لە پشتی دەست و پەنجە و چواردەوری نینۆک و ئەژنۆ دروست دەبێت، قەبارەیان لەنێوان ١ -١٠ ملم یان زیاتریش دەبێت.

بالوکەی تەخت (Plane Wart): ئەم جۆرەیان قەبارەیان بچوکە ڕوویەکی سافی ھەیە، رەنگی وەکو رەنگی پێست یان قاوەیی كاڵە، زیاتر لە دەم و چاو و پشتی دەست دروست دەبێت.

بالوکەی ژێر پێ (planter Wart): ئەم جۆرەیان لە بنی پێ دروست دەبێت، نوقتەی رەشی مولولوی خوێنی تێدایە، دەگونجێت یەک دانە یان چەند دانەیەک بێت یان یەک بگرن و دانەیەکی گەورە دروست بکەن (مۆزایک)، ئەم جۆرەیان دەکرێت ئازاری ھەبێت بە تایبەتی لە کاتی ڕۆشتن، زۆر کەس لەگەڵ مێخەکە تێکەڵی دەکات (ھۆکاری تری ھەیە وەک لە ڤایرۆس).

بالوکەی ئەندامی زاوزێ (Condylomata Acuminata): ئەم جۆرەیان زیاتر لە ڕێگەی کرداری سێکسی ناشەرعی لەگەڵ کەسی تووش بوو دروست دەبێت، دەگونجێت تەحویل ببێت بۆ خانەی شێرپەنجەیی.

بالوکەی پەنجەیی (Filiform Wart): ئەم جۆرەیان بنکێکی باریکی ھەیەو زیاتر لە دەم و چاودا دروست دەبێت.

چارەسەر چییە؟

بەکارهێنانی گیراوە و کرێمی تایبەت بە بالوکە.

سووتانی سارد.

کەوی کردن.

جۆرێک لە تیشکی تایبەت PDL چارەسەری بەرزکردنەوەی بەرگری لەش.

بەکارھێنانی جۆرێک لە ڤاکسین ڕاستەوخۆ بۆ بالوکەکان.

بەکارھێنانی ڤاکسین لە بالوکەی ئەندامی زاوزێی مێینە.

پزیشک بڕیار دەدات چ جۆرە چارەسەرێک بۆ چ جۆرە کەسێک و تەمەنێک و چ جۆرە بالوکەیەک بەکاردێنێت.

د. شڤان عومەر سدیق - پزیشکی پایەبڵندی پێست

لە تۆڕە کۆمەڵایەتیەکان شەیری بکە

  • 11/09/2021

    ئایا پێدانی بڕێكی زۆر میوە تەندروستە بۆ مناڵ؟

  • 20/08/2021

    بالووكه‌ له‌ چییه‌وه‌ درووست ده‌بێت و چاره‌سه‌ری چییه‌؟

  • 19/08/2021

    نەخۆشی شەکرە و جۆرەکانی چیین؟

  • 16/08/2021

    شێرپەنجە چۆن درووست ده‌بێت؟

  • 06/08/2021

    ڕیگاكانی زیادكردنی شیری دایک

  • 30/07/2021

    هۆكاره‌كان و چاره‌سه‌ری نه‌خۆشیی به‌ربڵاوی سكچوون و ڕشانه‌وه‌

  • 26/07/2021

    حەوت خواردن بۆ گەشەی قژ کە پێویستە ڕۆژانە بیخۆیت

  • 16/07/2021

    دەرزی تێکەڵە.. بەڵایەک بەرۆکی ئەم میلەتە بەرنادات

سەرەتا