17/08/2019
498 جار خوێنراوەتەوە
هه‌ولێر.. باندێك ده‌ستگیركران به‌ناوی ئاسایشه‌وه بازگه‌یان دانابوو ئوتومبێلێكیان رفاندبوو
په‌یام
بەڕێوەبەری پۆلیسی پارێزگای هەولێر ئەمڕۆ 17ی 8 ی 2019 وردەکاری تاوانێکی رفاندن و دزیکردنی ئۆتۆمبێلێکی ئاشکراکرد، کە هەفتەی رابردوو ئەنجامدرابوو.
لیوای عه‌بدولخالق تەلعەت، بەڕێوەبەری پۆلیسی پارێزگای هەولێر رایگەیاند "دوای ئاگادارکردنەوەی پۆلیسی نەهێشتنی تاوان له‌باره‌ی رووداوێکی رفاندن و دزینی ئۆتۆمبێلێک لە گەڕەکی تەیراوە، پۆلیس دۆسیەی لێکۆڵینەوەی کردەوەو توانی لە ماوەی کەمتر لە 24 کاتژمێر ناسنامەی تۆمەتباران ئاشکرا بکات".
راشیگه‌یاند: تۆمەتباران بەناوی (ع.س.س.)، تەمەن 26 ساڵ، (گ.ا.ب) تەمەن 26 ساڵ، دوای دەستگیرکردنیان دانیان نا بەتاوانەکەیاندا.
بەڕێوەبەری پۆلیسی هەولێر ئاشكراشیكرد: ئەو 2 تۆمەتبارە کاتژمێر 1:00ی شەو هەڵسابوون بە دانانی بازگە بە ناوی ئاسایش، دواتر رفاندن و دزینی ئۆتۆمبێلێک لە جۆری BMW لە چوار هاوڵاتی بەڕەگەز عەرەب کەوا بە مەبەستی گەشتکردن هاتبوون بۆ شاری هەولێر.
ئاماژه‌ی به‌وه‌شكرد: له ئێستادا به بڕیاری دادوەر تۆمەتباران بەپێی ماددە 442 لە یاسای سزادانی عێراقی به‌ندكراون.
لە تۆڕە کۆمەڵایەتیەکان شەیری بکە