23/07/2021
639 جار خوێنراوەتەوە
تەندروستی جیهانیی داوا لە چین دەكات هاوكار بێت لە هۆكاری گواستنەوەی كۆرۆنا بۆ مرۆڤ
پەیام
تەندروستی جیهانی داوا لە سەرجەم وڵاتان دەكات
هاوكار بن لە بەدواداچوون بۆ سەرهەڵدانی كۆرۆنا، ئەمەش دوای ڕۆژێك دێت لە دوای ئەوەی
چین رەتیكردەوە لە قۆناغی دووەمدا هاریكاری بكات.
تاریق یاسارڤیچ وتەبێژی تەندروستی جیهانی لە
بارەی ڕێگرییەكانی چینەوە ڕایگەیاند كە بابەتەكە پەیوەست نییە بە سیاسەتەوە و وبەوەی
كێ لۆمە دەكرێت، بەڵكو بۆ ئەوەیە تێ بگەین چۆن ئەو ڤایرۆسە گەیشتووە بە مرۆڤ، لەبەر
ئەوە سەرجەم وڵاتان بەرپرسن لەوەی بە ڕۆحیەتێكی هاوبەشەوە هەماهەنگی بكەن.
ئەم لێدوانە لە كاتێكدایە كە بەرپرسێكی تەندروستی
چین ئاشكرایكرد ڕێگریان كردووە لە قۆناغی دووەمی لێكۆڵینەوەكان بەهۆی ئەوەی گریمانەكان
ئەوە لێكدەدەنەوە كە لە تاقیگەیەكی چینیەوە دزەی كردبێت.
لە قۆناغی دووەمی لێكۆڵینەوەكان بڕیار بوو تەندروستی
جیهانی چەند تاقیگەیەكی وهان و ژمارەیەك بازاڕی ئەو وڵاتە بپشكنێت و وردەكاری
بكات، بۆ ئەوەش داوای لە چین كردبوو هاوكار بێت و شەفافانە مامەڵە بكات.
لە تۆڕە کۆمەڵایەتیەکان شەیری بکە