22/07/2021
366 جار خوێنراوەتەوە
ئەمریکا ٥٠ ھەزار دۆلار بۆ مۆزەخانەی سلێمانی تەرخان دەکات
پەیام
لە چوارچێوەی بەخشینە داراییەکانی ئەمریکا، حکوومەتی ئەو وڵاتە بڕی ٥٠ ھەزار دۆلاری بۆ مۆزەخانەی سلێمانی تەرخانکرد.
بەگوێرەی هەواڵێک کە لە پەیجی کۆنسوڵخانەی گشتیی ئەمریکا لە هەولێر لە تۆڕی کۆمەڵایەتی فەیسبووک بڵاوکراوەتەوە، حکوومەتی ئەمریکا بڕی ٥٠ ھەزار دۆلاری بۆ مۆزەخانەی سلێمانی تەرخان کرد.
ئاماژە بەوەشدراوە تەرخانکردنی ئەو بڕە پارەیە بۆ دانانی پێشانگایەکی نوێیە بۆ نمایشکردنی ئەو پارچە شوێنەوارییانەی مۆزەخانەکە کە مێژووەکە یان دەگەڕێتەوە بۆ چاخی پێش مێژوو.
لە هەواڵەکەدا جەخت لەوە کراوەتەوە ئەمریکا بەردەوام دەبێت لە فراوانکردنی دەرفەتەکان بۆ کاری پێکەوەیی و ھەماھەنگی لەگەڵ کوردەکانمان بۆ پارێزگاریکردن لە شوێنەوارە بەنرخەکانی ھەرێمی کوردستان.
لە تۆڕە کۆمەڵایەتیەکان شەیری بکە