23/04/2021
509 جار خوێنراوەتەوە
حكومهت ڕهتی دهكاتهوه هیچ سهنتهرێكی ئیسرائیلی له ههولێر بوونی ههبێت
پهیام
وتەبێژی
حكوومەتی هەرێمی كوردستان، رێگەپێدانی حكوومەتی هەرێم بە كردنەوەی سەنتەری مووساد
لە هەولێر، رەتدەكاتەوە و رایگەیاند، ئەو هەواڵە دوورە لە راستییەوە و حكوومەت سكاڵای
یاسایی لەسەر ئەو كەناڵە تۆمار دەكات كە ئەو هەواڵەی بڵاوكردووەتەوە.
لە
روونكردنەوەكەی وتەبێژی حكوومەتی هەرێمی كوردستاندا هاتووە "كەناڵی تەلەڤیزیۆنی
ئافاقی عێراقی لە پێگە ئەلیكترۆنییەكەی لە رێكەوتی 22ی نیسانی 2021 راپۆرتێكی بڵاوكردووەتەوە
و تێیدا هەرێمی كوردستانی بەوە تۆمەتباركردووە، گوایە رێگەی بە كردنەوەی سەنتەری
مووساد لە هەولێر داوە".
جووتیار
عادل جەختی لەوە كردووەتەوە كە ئەو راپۆرتە بێبنەمایە و رایگەیاندووە: "تەنیا
لەسەر بنەمایەكی وەهمی ئامادە كراوە، هەوڵێكە بۆ چەواشەكردنی رای گشتی و تەشهیركردن
بە هەرێمی كوردستان و هەوڵدان بۆ خستنەپاڵی تۆمەتێكی چەپەڵ هەرچەندە رەتیشمان
كردووەتەوە، ئەوكات و ئێستاش جەختمان كردووەتەوە كە هیچ بوونێكی ئیسرائیلی یان سەنتەرێكی
ئیسرائیلی لە هەرێمی كوردستان بوونی نییە".
وتەبێژی
حكوومەتی هەرێمی كوردستان راشیگەیاندووە حكوومەتی هەرێمی كوردستان سكاڵای یاسایی لە
دژی ئەو كەناڵە پێشكەش دەكات".
لە تۆڕە کۆمەڵایەتیەکان شەیری بکە