07/04/2021
580 جار خوێنراوەتەوە
دوای چوارساڵ لهكوژرانی رۆڵهكانیان، كهسوكاریان داوی سزادانی بكوژهكان دهكهن
پەیام
پاش ئەوەی لە سەرەتای مانگی نیسانی ساڵی
2017 دا لە گوندی (لەك هیدایەت)ی سنووری ناحیەی قادركەرەمی سەر بەقەزای چەمچەماڵ،
بەهۆی كێشەی زەوی و زارەوە 2 هاوڵاتی كوژران، لە بەرواری 6 ی نیسانی هەمان ساڵ دا
كەسوكاری دوو هاوڵاتییە كوژراوەكە لە دادگای بەرایی چەمچەماڵ سكاڵایی یاسایی لە سەر
تۆمەتباران تۆمار دەكەن و هەر هەمان ڕۆژ بە بڕیاری دادوەر فەرمانی دەستگیر كردن بۆ
ژمارەیەك تۆمەتبار دەردەچێت، بەڵام پاش 4
ساڵ لە ڕووداوەكە تا ئێستا هیچ تۆمەتبارێك دەستگیر نەكراوە.
بۆ ئەو مەبەستەش ئەمڕۆ خانەوادەی هەردوو
كوژراوەكە لەبەردەم قائیمقامیەتی قەزای چەمچەماڵ گردبوونەوە و داواكاربوون یاسا سەروەر
بێت و بە زووترین كات تۆمەتباران دەستگیر بكرێن.
لە تۆڕە کۆمەڵایەتیەکان شەیری بکە