11/12/2020
1486 جار خوێنراوەتەوە
پاش دەستگیركردنیان بۆ ماوەی یەك كاتژمێر، تیمی پهیام له گهرمیان ئازادكران
پهیام
تیمی پەیام لە گەرمیان دوای دەستگیركردنیان بۆ ماوەی كاتژمێرێك، ئازادكران.
تیمی كەناڵی ئاسمانیی پەیام لە كەلار لەكاتی ڕووماڵی خۆپیشاندانەكان هێرشكرایە سەریان و دەستگیر كران.
تیمی ڕۆژنامەوانیی پەیام لە كەلار كە لە هاوار محەمەدی پەیامنێر و ئاكۆ جومعەی وێنەگر پێكهاتوون، لە كاتی ئەركی ئاسایی خۆیاندا و ڕووماڵكردنی خۆپیشاندانەكانی ئەمڕۆی كەلار لەلایەن هیزێكی پۆلیسەوە دەستگیرا بەسەر كەلوپەلە ڕۆژنامەوانییەكانیاندا، دواتر میمۆرییەكانیان برد بۆ ئەوەی فۆڕماتی بكەن و داوایان لە تیمی پەیام كرد كە چاوەڕوان بن تا میۆمرییەكانیان وەربگرنەوە.
لە كاتێكدا تیمەكەی پەیام چاوەڕێی وەرگرتنەوەی كەلوپەلە ڕۆژنامەوانییەكانیان بوون، لەلایەن هیزەكانی پۆلیسەوە دەستگیركران، دواتریش ئاسایشی گشتی كەلار هاوار محەمەدی پەیامنێر و ئاكۆ جومعەی كامێرامانیان بردە لای خۆیان و دەستگیریان كردن.
پاش مانەوەیان بۆ ماوەی یەك كاتژمیر لە زیندانی ئاسایش بۆ ماوەی یەك كاتژمێر تیمی ڕۆژنامەوانی پەیام ئازادكران، بەڵام كەلوپەلە ڕۆژنامەوانییەكانیان پێ نەدرایەوە.
ئەمەو پێشتر لەلایەن هێزە ئەمنییەكانەوە لە كاتی هێرشكردنە سەر خۆپیشاندەران هاوار محەمەدی پەیامنێر پەیام كەوتە بەر پەلاماری هێزە ئەمنییەكان و ئازار بە شانی گەشت.
لە تۆڕە کۆمەڵایەتیەکان شەیری بکە