زانیاری نوێ لە بارەی پۆگباوە ئاشکرا دەبێت

پەیام سپۆڕت - بڕیار تەها

ئۆلی یۆنار سۆڵشایەری نەرویجی و ڕاهێنەری یانەی مانچستەر یونایتدی ئینگلیزی ئاشکرای دەکات، لەگەڵ پۆل پۆگبای فەرەنسی و یاریزانی هێڵی ناوەندی یانەکەی گفتوگۆی کردووە و ئەو یاریزانە جیاواز لە ڕابردوو بە بەهێزی دەگەرێتەوە.

 
لە لێدوانێکدا بۆ میدیاکان سۆڵشار سەبارەت بە پۆگبا بە تایبەتی قسەی کردووە و دەڵێت: وەرزی ڕابردوو پۆگبا بە دۆخێکی قورسدا تێپەڕی، ئەم وەرزەش تووشی ڤایرۆسی کۆڕۆنا بوو.

لە درێژەی قسەکانیدا ڕاهێنەرەکەی شەیتانەسوورەکان وتی: پۆگبا لە سێ یاریدا هاوکاری هەڵبژاردەی فەرەنسای کردووە و لە کاتی وەستانی یاری هەڵبژاردەکان گفتوگۆم لەگەڵدا کردووە و هەست دەکەم جیاواز لە ڕابردوو بە بەهێزی دەردەکەوێتەوە.

لە کۆتایی قسەکانیدا سۆڵشایەر ئەوەی خستەڕوو، پۆگبا لەگەڵ هەڵبژاردەی فەرەنسا بە باشی یاریکردووە و توانیویانە بگەنە نیوەی کۆتایی نەیشنلیگ، لەو بڕوایەدا ئەمەش دەبێتە هۆی ئەوەی باشتر ببێت لە ئێستا و یاریزانێکی گرنگە بۆ ئێمە.