26/03/2020
337 جار خوێنراوەتەوە
یاریزانان و کارگێڕی بەرشەلۆنە لەسەر مووچەی مانگانە ڕێک ناکەون
پەیام سپۆرت - بڕیار تەها
یاریزانان و
کارگێڕی یانەی بەرشەلۆنەی ئیسپانی گرفتی کەمکردنەوەی مووچەی ئەم مانگەیان بۆ
دروستبووە و نەگەیشتوونەتە ڕێککەوتن.
ڕۆژنامەی موندۆ
دیپۆڕتیڤۆی کەتەلۆنی ئاشکرای دەکات، کارگێڕی یانەی بەرشەلۆنە داوای لە یاریزانەکان
کردووە ڕازیبن لەسەر ئەوەی لە سەدا 70ی مووچەی ئەم مانگەیان لێ ببڕدرێت، بەڵام
یاریزانەکان بە سەرکردایەتی لیۆنێل مێسی ئەو داوایەیان ڕەتکردۆتەوە و ئامادەییان
نیشانداوە لە سەدا 30 مووچەکەیان کەم بکرێتەوە.
سەرچاوەکە ئاماژەی
بەوەشکردووە، یانە کەتەلۆنییەکە ساڵانە 643 ملیۆن یۆرۆ
وەک مووچە بە سەرجەم یاریزانانی یانەکەی لە تۆپی پێ و باسکە و یارییەکانی دیکە
دەدات بە یاریزانان، ئەم بڕەش نزیکەی لە سەدا 53ی داهاتووی یانەکە دەبات.
بەهۆی
بڵاوبوونەوەی ڤایرۆسی کۆڕۆناوە سەرجەم چالاکییە وەرزەشییەکان لە تەواوی جیهاندا
وەستاوە و ئەمەش گورزێکی کوشندەی لە یانەکان و یاریزانەکانی تۆپی پێ داوە، چونکە
داهاتی پەخشی یارییەکان ڕاگیراوە و یانەکان تووشی زەرەرێکی زۆر بوونەتەوە.
لە تۆڕە کۆمەڵایەتیەکان شەیری بکە