2 رۆژ پێش ئێستا 121 جار خوێنراوەتەوە

هه‌رێمی كوردستان.. رێژه‌ی تووشبوون به‌ كۆرۆنا 100 كه‌سی تێپه‌ڕاند



وه‌زاره‌تی‌ ته‌ندروستی‌ رایگه‌یاندووه‌، 103 كه‌س تاوه‌كو ئێستا له‌ هه‌رێمی‌ كوردستان تووشی‌ كۆرۆنا بوون و له‌و رێژه‌یه‌ش 27 ـیان چاكبوونه‌ته‌وه‌و 2 تووشبوویش مردوون.


ده‌قی راگه‌یه‌ندراوه‌كه‌

ڕاگەیاندراوی وەزارەتی تەندروستی

ژمارە (٢٨)

سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، تیمەکانی تەندروستی بۆ دۆزینەوە و پشکنینی گومانلێکراوانی هەڵگری ئەم ڤایرۆسە ڕۆژانە بەردەوامن بەمەش: 

ژمارەی هاوڵاتیان لە کەڕەنتینەکان (٥٠٥٠) هاوڵاتی بوون لە (٣٤) شوێنی جیاواز، لەئێستادا تەنها (١٧٢٦) هاوڵاتی لە کەرەنتین ماونەتەوە (٧٨٩) لە هەولێر، (٣٠٨) لە سلێمانی، (٥٢٤) لە دهۆك، (٣٥) لە هەلەبجە، (١٢) لە گەرمیان، (٣٨) لە ڕاپەرین، (٢٠) لە کۆیە وە (٣٣٢٤) هاوڵاتی لە کەرەنتین دەرچوونە و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەڕەنتین کردنی ژمارەیەکی تری ٤٨ کاتژمێری کەرەنتین کراو کە کۆی گشتی بریتی بوو (٣٧٩) هاوڵاتی. 
لەماوەی ٤٨ کاتژمێری ڕابردوو (٩٢٩) پشکنین کراوە، (٦٤٨) لە شاری هەولێر، (١٩٨) لە شاری سلێمانی، (٨٣) لە شاری دهۆك.
دەرەنجام (١٨) تووشبووی نوێ تۆمارکرا وە بەم شێوەیەی خوارەوە:- 

پارێزگای هەولێر (١١) نەخۆش پۆزەتیڤ هەبوو (٤) ئافرەت و (٥) پیاو و (٢) منداڵ.
پارێزگای سلێمانی (٧) پۆزەتیڤ ، کە (٣) ئافرەت و (٢) پیاو و (٢) منداڵ. 
کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان (١٠٣) تووشبوو، لەنێویاندا (٢) مردن هەیە و (٢٧) نەخۆش بەتەواوی چاکبووەتەوە، و ئەوانی تر هەموویان لەژێر چاودێری پزیشکی دان. 
وێڕای دەستخۆشی بۆ تیمەکانی وەزارەتی ناوەخۆ و تیمەکانی پزیشکی کە لە کاردان وە تکا دەکەین هاوڵاتیان بە هیچ شێوەیەك نەیەنە دەرەوە لە ماڵەکانیان وە پابەندبن بە ڕێنماییەکانی تەندروستی و بەرکەوتەی کەسی تر نەبن وە لە کاتی پێویستدا پەیوەندی بکەبن بە هێڵی گەرمی ژمارە (١٢٢).

 

وەزارەتی تەندروستی            
حکومەتی هەرێمی کوردستان
      ٢٦ی ئازاری٢٠٢٠

لە تۆڕە کۆمەڵایەتیەکان شەیری بکە

  • 39 خولەک پێش ئێستا

    قه‌ره‌داغ.. دوو پیاو و ژنێک بەتۆمەتی فرۆشتنی منداڵێکی چوار ڕۆژە دەستگیرکران

  • 54 خولەک پێش ئێستا

    پێنجوێن.. لەسەر هەڵكوتانە سەر ماڵی رۆژنامەنووسێك دوو كەس دەستگیردەكرێن

  • 1 کاتژمێر پێش ئێستا

    كه‌شناسی: باران بارین به‌رده‌وام ده‌بێت

  • 3 کاتژمێر پێش ئێستا

    شه‌وی ڕابردوو له‌ سلێمانی نۆ كه‌س و له‌ هه‌ولێر سێ كه‌سی تووشبووی كۆرۆنا چاكبوونه‌وه‌

  • 14 کاتژمێر پێش ئێستا

    بانگەوازێک لە وەزارەتی تەندروستیی هەرێمی کوردستانەوە

  • 15 کاتژمێر پێش ئێستا

    ئیداره‌ی ڕاپه‌ڕین.. خێرخوازێك خۆراكی یەك مانگ بۆ هەزار و 500ماڵ دابین دەكات

  • 15 کاتژمێر پێش ئێستا

    دوو منداڵە تووشبووه‌كه‌ی ناحیەی تەكیە چاكبوونەوە نەخۆشخانەیان بەجێهێشت

  • 15 کاتژمێر پێش ئێستا

    دوو حاڵه‌تی نوێی ڤایرۆسی كۆرۆنا له‌ هه‌رێم ڕاگه‌یه‌نرا

سەرەتا