مژدەیەکی خۆش سەبارەت بە دیبالا و هاوڕێکەی

پەیام سپۆرت - بڕیار تەها

ئۆریانا ساباتینی هاوڕێ کچەکەی پاولۆ دیبالای ئەرجەنتینی و هێرشبەری یانەی یۆڤانتۆسی ئیتاڵی ڕایدەگەیەنێت تەندروستی هەردووکیان بەرەو باشی دەچێت.

چوار پێش ئێستا پاولۆ دیبالا لە ڕێگەی هەژمارەکانییەوە لە تۆڕە کۆمەڵایەتییەکان تووشبوونی خۆی بە ڤایرۆسی کۆڕۆنا بڵاوکردەوە.

لە میانی لێدوانێکیشیدا بۆ پێگەی فوتبۆڵی ئیتاڵی، هاوڕێ کچەکەی دیبالا نوێترین زانیاری لەو بارەیەوە ئاشکرا دەکات و دەڵێت: لە ئێستادا هەست دەکەین تەندروستیمان بەرەو باشی دەچێت، بەڵام لە سێ ڕۆژی ڕابردوودا هەستمان بە ئازارێکی زۆر دەکرد، دکتۆرەکانیش داوایان لێکردن پشوو بدەین و ڤیتامینەکان بەکاربهێنین.

لە بەشی دووەمی قسەکانیدا هاوڕێ کچەکەی هێرشبەرەکەی خانمەپیرەکە زانیاری لە بارەی نەخۆشییەکەوە ئاشکرا دەکات و ئاماژە بەوە دەکات، ڤایرۆسەکە هاوشێوەی ڤایرۆسی ئەنفلۆزا ماندووی کردوون و هەستیان بە ئازار کردووە، بەڵام ڕەتیدەکاتەوە پلەی گەرمی لەشیان بەرز بووبێتەوە.