25/03/2020
446 جار خوێنراوەتەوە
ژمارەیەك پەڕلەمانتار داوا لە حكومەت دەكەن چیتر دابەشكردنی مووچەی فەرمانبەران دوا نەخات
پهیام
28 پەڕلەمانتار لە پەڕلەمانی كوردستان لە ڕاگەیەندراوێكدا داوا لە حكومەتی هەرێمی كوردستان دەكەن چیتر بە هیچ پاساوێك دابەشكردنی مووچەی فەرمانبەران دوا نەخاتو بەر لە كۆتایی ئەم مانگە كۆتایی بە دابەشكردنی مووچەی مانگی 12ی ساڵی ڕابردوو بهێنێت.
لەو ڕاگەیەندراوەدا كە ئاڕاستەی سەرۆكایەتیی ئەنجومەنی وەزیرانیان كردووە هاتووە: داوا دەكەین چیتر بە هیچ پاساوێك دابەشكردنی مووچەی مووچەخۆرانی هەرێم دوا نەكەوێت، بەتایبەتیی كە توێژی فراوانی مووچەخۆران سەرەڕای گیرۆدەبوونیان بەم ڤایرۆسە، لە دۆخێكی سەختی گوزەراندان، ئەمەیش كاریگەری بەسەر ژیانیان و دابینكردنی خواردن و پێداویستییە ڕۆژانەییەكانیانەوە دروست كردووە".
ئەو پەڕلەمانتارانە داوا دەكەن پێش كۆتایی ئەم مانگە موچەی مانگی (12)ی ساڵی ڕابردوو بە گرتنەبەری ڕێوشوێنی گونجاوی تەندروستیی، دابەش بكرێت.
لە تۆڕە کۆمەڵایەتیەکان شەیری بکە