3 رۆژ پێش ئێستا
362 جار خوێنراوەتەوە
سیناتۆرێكی ئه‌مریكی: پارتی كۆمۆنیستی چین لە یەكەم ڕۆژەوە لەبارەی كۆرۆناوه درۆی لەگەڵ جیهان كردووە
په‌یام
لە كۆنگرێسی ئەمریكا پڕۆژەیاسایەك بۆ دەستپێكردنی لێكۆڵینەوە لە حكومەتی چین بەتۆمەتی شاردنەوەی دەركەوتنی ڤایرۆسی كۆرۆنا لە سەرەتاوە، پێشكەش كرا.
لە پڕۆژەیاسایەكدا داوا كراوە حكومەتی چین ناچار بكرێت قەرەبووی ئەو زیانانە بكاتەوە كە بەهۆی بڵاوبوونەوەی ڤایرۆسی كۆڕۆنای نوێوە لە كۆمەڵگای نێودەوڵەتی كەوتووە.
ئەم پڕۆژەیاسایە لەلایەن (جۆش هاوڵی) سیناتۆری پارتی كۆماری و (ئەلیس ستێفانیك) پەرلەمانتاری ئەو پارتە پێشكەشكراوە‌و ئیدانەی "هەڵوێستی گوماناوی" چین بەرانبەر ڤایرۆسی كۆڕۆنای نوێ، كراوە.
سیناتۆر (هاوڵی) لەبارەی پڕۆژەیاساكەشەوە ڕایگەیاند: پارتی كۆمۆنیستی چین لە یەكەم ڕۆژەوە تا ئێستا لەبارەی ڤایرۆسەكەوە درۆی لەگەڵ جیهان كردووە.
ئەو وتیشی: حكومەتی پەكین لە سەرەتای كۆتا مانگی ساڵی ڕابردووەوە ئاگاداری بڵاوبوونەوەی ڤایرۆسەكە بووە، بەڵام فەرمانی بە لەناوبردنی ئەو نموونە وەرگیراوانە كرد كە لە تاقیگەكاندا لێكۆڵینەوەیان لەسەر دەكرا و پزیشكەكانیشی ناچار بە بێدەنگیی كرد.
لە تۆڕە کۆمەڵایەتیەکان شەیری بکە