24/03/2020
491 جار خوێنراوەتەوە
ئەمریكا بۆ رووبەڕووبوونەوەی كۆرۆنا داوای یارمەتی لە ئیسرائیل دەكات
پهیام
كەناڵی دوازدەی ئیسرائیل بڵاویكردەوە كە كۆشكی سپی داوای لە تەل ئەبیب كردووە یارمەتی بدات لە پێشكەشكردنی پێدوایستی پزیشكی بۆ رووبەڕووبوونەوەی ڤایرۆسی كۆرۆنای نوێ "كۆڤید -19".
روونیكردووەتەوە كە ئەو داواكارییەیە، كۆشكی سپی ئاراستەی باڵیۆزی ئەمریكا لە ئیسرائیل، دەڤید فریدمان كردووە كە ئەویش لای خۆیەوە پێشكەش بە نووسینگەی سەرۆكوەزیرانی ئیسرائیل و كارخانەكانی تایبەت بە دروستكردنی پێدوایستییەكانی پزیشكی ئیسرائیل كردووە.
لە داواكارییەكەی ئەمریكادا تیایدا ئەوە هاتووە "ئەگەر پێدوایستی پزیشكی زیاد هەیە یان ئەگەر كارخانەكانی ئیسرائیل بتوانن بەپەلە پێدوایستییەكانی پزیشكمان بۆ دروست بكەن، ئەوا كۆشكی سپی چاوەڕان دەكات".
هەروەها لە داواكارییەكەدا ئەوەش هاتووە "ئەوەی ئێستا لە پێدوایستییەكانی پزیشكی یان ئەوانەی دەكرێت دروست بكرێن دەبێت لە كەمترین ماوە چوار بۆ شەش هەفتەیە پێشكەش بكرێن و كۆشكی سپی ئامادەیە ژمارەیەكی زۆر لەو پێدوایستییە پزیشكییانە بكڕێت".
كەناڵی دوازدەی ئیسرائیل وردەكاری سەبارەت بەو پێدوایستییە پزیشكییانە نەخستەڕوو كە ئەمریكا رایگەیاندووە لەئێستادا بۆ رووبەڕووبوونەوەی ڤایرۆسی كۆرۆنا پێویستێیەتی.
پێشتر لە راپۆرتێكی فەرمی ئیسرائیلدا ئەوە بڵاكرابوویەوە كە ماددەیەكی زۆر كەم هەیە لە ئامادەكردنی پێدوایستییەكانی پزیشكی ئیسرائیل بۆ مامەڵەكردن لەگەڵ ڤایرۆسی كۆرۆنا.
لە تۆڕە کۆمەڵایەتیەکان شەیری بکە