ڕۆژنامەیەکی ئیسپانی مێسی و کریستیانۆ لە لیستی ئەفسانەکان هەژمار ناکات

پەیام سپۆرت - بڕیار تەها

سەرەرای بردنەوەی چەندین نازناوی تاكە كەسی و بە كۆمەڵ بەڵام هەردوو ئەستێرەی تۆپی پێی لیۆنێل مێسی و کریستیانۆ رۆنالدۆ لەو لیستەی ڕۆژنامەیەکی ئیسپانی دوور دەخرێنەوە  كە كۆمەلێك ئەفسانەی تۆپی پێی لە خۆگرتووە.

حەوت یاریزان لەو لیستەی ڕۆژنامەی ئاسی ئیسپانیدا ناویان هاتووە كە ڕێگرن لە رۆنالدۆ و میسی وەك تاكە دوو ئەفسانەی مێژوویی تۆپی پێ هەژمار بكرێن، ئەوانیش زینەدین زیدان و گێرد مۆلەر و پیكناپاوەر و ریكاردۆ كاكا و رۆنالدینۆ و چارلتۆن لەگەڵ پاولۆ رۆسین، كە توانیویانە دوو گەورەترین دەستكەوت لە ژیانیاندا ببەنەوە، كە ئەویش جامی جیهانیە لەسەر ئاستی هەڵبژاردە و هەروەها خولی یانە پاڵەوانەكانی ئەوروپایە لەسەر ئاستی یانە، دواتریش بردنەوەی تۆپی ئالتونییە وەك نازناوی تاكە كەسی.

ئەمە لە كاتێكدایە كە هیچ كام لە میسی و رۆنالدۆ سەرەڕای بردنەوەی چامپیۆنسلیگ و تۆپی ئاڵتونی، بەڵام نیانتوانیەوە بە نازناوی جامی جیهانی بگەن، كە ئەمانیشی هاوشێوەی پێلێ و مارادۆنا و یۆهان كرۆیڤ خراونەتە دەرەوەی لیستەكەی رۆژنامەی ئاس كە بێ‌ بەشن لە بردنەوەی یەكێك لەو سێ‌ دەستكەوتەی ئاماژەی بۆ كراوە.