21/03/2020
371 جار خوێنراوەتەوە
سەرۆكی كۆمپانیای ڕۆزنەفت: نرخی نەوت لە نیوەی ئەمساڵدا بەرز دەبێتەوە
پهیام
سەرۆكی كۆمپانیای ڕۆزنەفتی ڕوسی رایدەگەیەنێت نرخی نەوت لەبازاڕەكانی جیهاندا لە نیوەی ئەمساڵدا بەرز دەبێتەوە.
ئیگۆر سیچین سەرۆكی كۆمپانیای ڕۆزنەفتی ڕوسی ووتی نرخی نەوت لەنیوەی ئەم ساڵدا بەرز دەبێتەوە و دەچێتەوە سەر ڕێڕەوەكەی خۆی، لەبەر ئەوەی نرخی ئێستای نەوت یارمەتی دەرهێنانی نەوتی لمی ئەمریكا نادات.
ئیگۆر سیچین بەڕۆژنامەنوسانی راگەیاندوە بەپێی بەڵگە و داتاكان بەرهەمهێنانی نەوتی لمین ڕاوەستاوە و دابەزینی نرخی نەوتیش لەئێستادا دەرفەت ناداتە بەرهەمهێنانی نەوتی لمی بەشێوەیەكی كاریگەر، بەوهۆیەوە نرخە بەرزبوونەوە بەخۆیەوە دەبینێت و بازاڕ دەبوژێتەوە.
سەرۆكی كۆمپانیا ڕوسییەكە وتیشی، لەنیوەی ئەم ساڵدا گۆڕانكاری ئەرێنی بەرەو جێگیربوونی نرخی نەوت دەڕوات.
ئەوە لەكاتێكایە، دوای بڵاوبونەوەی ڤایرۆسی كۆرۆنا و كەمكردنەوەی نرخی فرۆشی نەوت لەلایەن سعودیەوە، نرخی بەرمیلێك نەوت لەبازاڕەكانی جیهاندا گەیشتە نزیكەی 23 دۆلاری ئەمریكی.
لە تۆڕە کۆمەڵایەتیەکان شەیری بکە