21/03/2020 449 جار خوێنراوەتەوە

هۆشداریی بە ئافرەتان دەدرێت لەبارەی دووگیانییەوە لە کاتی کۆرۆنادا

په‌یام

بەرپرسێکی تەندروستیی عێراقی ئامۆژگاری ژنان دەکات، بیر لە دووگانی نەکەنەوە لە کاتێکدا کە پەتای کۆرۆنا تەشەنەی سەندووە.
بەڕێوەبەری فەرمانگەی تەندروستیی کەرخ لە بەغدا، جاسب حیجامی لە راگەیەنراوێکدا کە لە پەیجی تایبەتی خۆی لە تۆڕی کۆمەڵایەتی فەیسبووک بڵاویکردووەتەوە، رایگەیاندووە "ئامۆژگارییم بۆ ژنان ئەوەیە کە لەم کاتە سەختەدا بیر لە دووگیانی نەکەنەوە".
جاسب حیجامی روونیکردووەتەوە، ئەم ئامۆژگارییەی لەوەوە سەرچاوەی گرتووە، ئافرەتێکی دووگیان کە تووشی کۆرۆنا بووە و لە نەخۆشخانەی فورات لەژێر چارەسەری پزیشکییدایە، بەهۆی دووگیانییەکەوە ئازاری زیاتر دەچێژێت و پزیشکەکانیش لەگەڵیدا ماندوودەبن.
حیجامی رووی قسەکانی ئاراستەی ژنان کردووە و دەڵێت: "وێڕای ئەوەی زانیاریی تەواو لەبەردەستدا نییە لەبارەی کاریگەری ڤایرۆسەکە لەسەر کۆرپەلە، بەڵام بەدڵنیاییەوە تووشبوونت بە ڤایرۆسەکە کە کاتێکدا کە دووگیان نەبیت زۆر باشترە لەوەی کە دووگیان بیت".
تیشكیشی خستووه‌ته‌ سه‌ر ئه‌وه‌ش لە کاتی تووشبوون به‌ کۆرۆنا، نەخۆش پێویستیی بە پشکنینی تیشک دەبێت، کە ئەمەش کاریگەری نەرێنی دەبێت لەسەر کۆرپەلە، هەروەها ئەو دەرمان و چارەسەرییە پزیشکییانەی کە لەکاتی تووشبوون بە کۆرۆنا بە ئافرەتی دووگیان دەدرێت، کاریگەری لاوەکی دەبێت لەسەر کۆرپەلە.
لە چین، منداڵێک دوای ٣٦ کاتژمێر لەدایکبوونی، نیشانەکانی تووشبوون بە کۆرۆنا لەسەری ده‌ركه‌وتن، ئەمەش وایکرد تیمێکی توێژینەوە لە نەخۆشخانەی چونگنان سەر بە زانکۆی وهان یەکەم توێژینەوە لەسەر ئەگەری گواستنەوەی ڤایرۆسەکە لە ئافرەتی دووگیانەوە بۆ کۆرپەلەکەی بکەن.
توێژینەوەکە کە لە لایەن (The Lancet) بڵاوکرایەوە، وەک بنەما گەیشتنە ئەو ئەنجامەی کە کۆرۆنا لە دایکی دووگیانی تووشبوو بۆ کۆرپەلە ناگۆازرێتەوە ئەگەر لە سێ یەکی کۆتایی دووگیانییەکەدا بێت. 
بەپێی داتاکانی وەزارەتی تەندروستیی عێراق، ژمارەی تووشبووان بە ڤایرۆسی کۆرۆنای نوێ (COVID-19)  گەیشتووەتە ٢٠٨ کەس و لەو ژمارەیە ١٧یان گیانیان لەدەستداوە.

لە تۆڕە کۆمەڵایەتیەکان شەیری بکە

  • 18 کاتژمێر پێش ئێستا

    نه‌خۆشی گرانه‌تا، هۆكاری توشبوون‌و چاره‌سه‌ری

  • 4 رۆژ پێش ئێستا

    باشترین خۆراك بۆ پاككردنه‌وه‌ی گورچیله‌كان

  • پێش 1 هەفتە

    به‌پێی نوێترین توێژینه‌وه‌؛ نه‌مانی هه‌ستی بۆنكردن یه‌كێكی تره‌ له‌ نیشانه‌كانی كۆرۆنا

  • پێش 2 هەفتە

    زانایانی به‌ریتانیا شەش جۆری تووشبوون بەكۆرۆنایان دەستنیشانكرد

  • پێش 3 هەفتە

    پێكوتەیەك بۆ تاقیكردنەوەی لەسەر 30 هەزار كەس ئامادەیە

  • پێش 3 هەفتە

    به‌م ڕێگا سروشتییانه‌ فشاری خوێنت نزمبكه‌ره‌وه‌

  • 02/07/2020

    کاریگەری سەجدەی نوێژ لەسەر کۆڕۆنا

  • 01/07/2020

    باشترین ئه‌و سه‌وزانه‌ كامانه‌ن بۆ داخوران و ئازاره‌كانی جومگه‌؟

سەرەتا