21/03/2020
440 جار خوێنراوەتەوە
ئیمارات.. دوو حاڵەتی گیانلەدەستدان بە كۆرۆنا تۆماركرا
پهیام
وەزارەتی تەندروستیی ئیمارات، دوو حاڵەتی گیانلەدەستدان بە جۆری نوێی ڤایرۆسی كۆرۆنا (COVID-19)ی راگەیاند.
لە راگەیەندراوێكدا وەزارەتی تەندروستیی ئیمارات بڵاویكردەوە كەسێك كە هەڵگری رەگەزنامەی وڵاتێكی عەرەبییە و تەمەنی 78 ساڵ بوو و لە یەكێك لە وڵاتانی ئەورووپاوە سەردانی ئیماراتی كردووە لەگەڵ تووشبوونی بە ڤایرۆسی كۆرۆنا، جەڵتەی دڵ لێی داوە و بەهۆیەوە گیانی لەدەستداوە.
بەپێی راگەیەندراوەكە، هەروەها كەسێكی دیكەی تووشبوو بە ڤایرۆسی كۆرۆنا كە هەڵگری رەگەزنامەی وڵاتێكی ئاسیایە و تەمەنی 58 ساڵ بوو، لە ئیمارات نیشتەجێبوو، رەوشی خراپبوو بەهۆیەوە گیانی لەدەستداوە.
لە راگەیەندراوەكە ئاماژە بەوەشكراوە كە ئەو دوو كەسە بەر لەوەی گیان لەدەست بدەن لە نەخۆشخانەكانی ئیمارات چارەسەریان وەردەگرت.
ئەمەش لە كاتێكدایە، ژمارەی تووشبووان بە ڤایرۆسی كۆرۆنا لە ئیمارات گەیشتووەتە 140 كەس.
لە تۆڕە کۆمەڵایەتیەکان شەیری بکە