20/03/2020
502 جار خوێنراوەتەوە
ڕێكخراوی ته‌ندروستی جیهانی: بەرپرسانی سوریا و یەمەن گه‌یشتنی كۆرۆنا بۆ وڵاته‌كانیان ده‌شارنه‌وه
په‌یام
ڕێكخراوی تەندروستی جیهانیی گومانی خۆی لەو زانیارییانە دەربڕی كە باس لە نەبوونی هیچ حاڵەتێكی پەتای ڤایرۆسی كۆڕۆنا لە سووریا و یەمەن دەكەن.
(عەبدولنەسیر ئەبوبەكر) سەرۆكی تیمی ڕێكخراوی تەندروستی جیهانیی بۆ خۆپارێزیی لە نەخۆشییە پەتاییەكان ڕایگەیاند: تۆمارنەكردنی هیچ حاڵەتێكی ڤایرۆسی كۆڕۆنا لە سووریا و یەمەن لەوانەیە هۆكارەكەی ئەوە نەبێت كە تائێستا ڤایرۆسەكە بەوان نەگەیشتووە، بەڵكو لەوانەیە كەرتی تەندروستی‌و دۆزینەوەی حاڵەتەكانی نەخۆشییە لەو دوو وڵاتە، لاواز بێت.
(عەبدولنەسیر ئەبوبەكر) لە دیدارێكیدا لەگەڵ كەناڵی سی ئێن ئێنی ئەمریكی، نیگەرانیی ڕێكخراوەكەی لەبارەی دۆخی سوریا و یەمەنەوە دەربڕی و وتی: من پێم وایە ڤایرۆسی كۆرۆنا گەیشتووەتە سوریا و یەمەن، بەڵام بەرپرسەكانیان بە شێوازێك لە شێوەكان دەیشارنەوە، بەڵام هێشتا نەمان توانیوە ئەو بابەتە بە بەڵگەوە بسەلمێنین.
ئەو وتیشی: "پێشبینی تەقینەوەی ژمارەی تووشبووانی پەتاكە لەو دوو وڵاتە دەكەین".
بەپێی قسەی ئەو بەرپرسەی ڕێكخراوی تەندروستی، زۆربەی حاڵەتەكانی پەتای ڤایرۆسی كۆڕۆنا لە ڕۆژهەڵاتی ناوەڕاست پەیوەندیی بە گەشتی هاووڵاتیان بۆ ئێرانەوە هەیە.
لە تۆڕە کۆمەڵایەتیەکان شەیری بکە