20/03/2020 375 جار خوێنراوەتەوە

عادل عەبدولمەهدی بڕیاریدا بەجێبەجێکردنی قەدەغەکردنی هاتوچۆ بەزەبری هێز

په‌یام

سەرۆکوەزیرانی حکوومەتی کاربەڕێکەری عێراق، عادل عەبدولمەهدی فەرمانیدا بە هێزە ئەمنییەکان بۆ جێبەجێکردنی بڕیاری قەدەغەی هاتوچۆ بەزەبری هێز بەسەر ئەو سەردانکەرانەی شیعە کە لە شارەکانی ناوەڕاست و باشووری عێراقەوە روو لە بەغدای پایتەخت دەکەن.
عادل عەبدولمەهدی لە راگەیەنراوێکدا ئاماژەی بەوە کردووە، رێگە بە هاتنی سەردانکەران لە شار و شارۆچکەکان نادرێت بۆ بەغدا لە ماوەی قەدەغەی هاتوچۆدا، چونکە پێچەوانەی رێکارەکانی تەندروستییە، هاوکات رێگە بە گردبوونە نادرێت بەهەر هۆیەک بێت.
عەبدولمەهدی جەختی لە پابەندبوون بە بڕیاری قەدەغەی هاتوچۆ لە بەغدا و پارێزگاکانی دیکەی کردووەتەوە و فەرمانی بە هێزە ئەمنییەکان کردووە بۆ جێبەجێکردنی بڕیارەکە.
سەرۆکوەزیرانی حکوومەتی کاربەڕێکەری عێراق راشیگەیاندووە، پێویستە هەموو دامەزراوەکانی دەوڵەت و هاووڵاتییان پابەندی تەواوی بڕیار و راسپاردەکانی شانەی بەرەنگاربوونەوەی قەیرانەکان بن، ئەمەش لە پێناو پاراستنی عێراق و عێراقییەکانە لە بڵاوبوونەوەی پەتای کۆرۆنا.
عادل عەبدولمەهدی بەڵێنی ئەوەی داوە، هەرکەسێک سەرپێچی بڕیارەکان بکات سزای دارایی دەدرێت و ئەو ئۆتۆمبێلانەی لەکاتی قەدەغەی هاتوچۆدا سەرپێچی دەکەن، دەستیان بەسەردا دەگیرێت.
بڕیاری قەدەغەکردنی هاتوچۆ لە بەغدا لە کاتژمێر ٢٣:٠٠ی شەوی سێشەممە لەسەر چوارشەممە چووە بواری جێبەجێکردنه‌وه‌ و تاوەکو ٢٤ی ئادار بەردەوام دەبێت، بەڵام بێ رەچاوکردنی بڕیارەکە سەدان سەردانکه‌ری شیعە لە پارێزگاکانی ناوەڕاست و باشووری عێراقەوە بۆ سەردانکردنی مەزاری ئیمام موسا بن جەعفەر کازم روویان لە بەغدا كردووه‌.
رۆژی شەممە هاوکاتە لەگەڵ کۆچی دوایی موسا بن جەعفەر کازم، ئیمامی حەوتەم لە ١٢ئیمامی شیعە و ساڵانە بەو بۆنەیەوە هەزاران کەس لە ناوخۆ و دەرەوەی عێراقەوە سەردانی مەزارەکەی دەکەن لە شاری کازمییە باکووری بەغدا.

لە تۆڕە کۆمەڵایەتیەکان شەیری بکە

  • 7 کاتژمێر پێش ئێستا

    سەباح نوعمان: هێرشی سەر سیستمە ڕادارییەكانی عێراق لە نێوخۆوە ئەنجام دراون

  • 12 کاتژمێر پێش ئێستا

    ئاگر كەوتنەوە لە عێراق بووە بە دیاردە و قوربانییانى ئاگرەکەى کوتیش گەیشتە 69 كەس

  • 12 کاتژمێر پێش ئێستا

    چوار لیژنە بۆ جێبەجێكردنی ڕێككەوتنەكەی هەولێر و بەغداد پێكدەهێنرێت

  • 2 رۆژ پێش ئێستا

    ژمارەی گیانلەدەستدان لە ڕووداوی ئاگرکەوتنەوەکەی شاری کوت بەرزبووەوە بۆ ٦١ کەس

  • 4 رۆژ پێش ئێستا

    فەرماندەی هێزە چەكدارەكانی عێراق: هێرش بۆسه‌ر كێڵگه‌ نه‌وتییه‌كان تاوانه‌

  • 4 رۆژ پێش ئێستا

    شیعه‌كان هه‌وڵی له‌كارلادانی مه‌حمود مه‌شهه‌دانی ده‌ده‌ن

  • 5 رۆژ پێش ئێستا

    سوودانی: بڕینی مووچەی هەرێم سیاسی نییە، بەڵکو تەواو یاسایی و تەكنیكیە

  • 5 رۆژ پێش ئێستا

    دادگای فیدڕاڵی بڕیاردانی لەبارەی مووچەی مووچەخۆرانی هەرێم دواخست

سەرەتا