18/03/2020 209 جار خوێنراوەتەوە

نرخی خاوی برێنت گەیشتە ٢٨ دۆلار

په‌یام

نرخی خاوی برێنت نزمترین ئاستی لە بازاڕەكانی جیهاندا تۆماركرد و هەر بەرمیلێكی بە ٢٨ دۆلار و سێ سەنت مامەڵەی پێوەدەكرێت.

شارەزایان ئاماژە بەوە دەكەن كە تەشەنەكردنی ڤایرۆسی كۆرۆنای نوێ (COVID-19)، كاریگەریی زۆری كردووەتە سەر دابەزینی نرخی خاوی برێنت لە بازاڕەكاندا، جگە لەوەش زیانی زۆری بە ئابووری و بازاڕەكان گەیاندووە.

دوێنێ‌ سێشەممە سعوودیە رایگەیاندبوو كە سوورە لەسەر ئەوەی لە ماوەكانی داهاتوودا، هەناردەكردنی نەوت زیاد بكات بۆ ١٠ ملیۆن بەرمیل لە رۆژێكدا كە ئەوەش هەڕەشەیە بۆسەر خستنەڕوو.

لەئێستادا سعوودیە، حەوت ملیۆن و ٣٠٠ هەزار بەرمیل نەوت لە رۆژێكدا هەناردە دەكات.

لە كاتژمێر ٠٦:٥٤ نرخی یەك بەرمیل خاوی برێنت لە بازاڕەكانی جیهاندا بەڕێژەی ١،٣٦ لەسەدا دابەزینی تۆماركرد و هەر بەرمیلێكی بە ٢٨ دۆلار و سێ سەنت مامەڵەی پێوەدەكرێت.

هاوكات نرخی یەك بەرمیل خاوی رۆژئاوای تێكساس بەڕێژەی ٢،٢٣ لەسەدا رووی لە دابەزینی كرد و گەیشتە ٢٦ دۆلار و ٧٢ سەنت.

بەپێی دوایین ئامار كە ئەمڕۆ چوارشەممە بڵاوكراوەتەوە، ژمارەی ئەو كەسانەی كە بەهۆی ڤایرۆسی كۆرۆنای نوێ (COVID-19)وە لە جیهان گیانیان لەدەستداوە بەرزبووەتەوە بۆ حەوت هەزار و ٩٩١ كەس و ژمارەی تووشبوانیش بە ڤایرۆسەكە گەیشتووەتە ١٩٨ هەزار و ٩٧١ كەس كە تا ئێستا ٨٢ هەزار و ٧٩٩یان چاكبوونەتەوە.

لە تۆڕە کۆمەڵایەتیەکان شەیری بکە

  • 1 رۆژ پێش ئێستا

    نرخی نه‌وت به‌رزبوه‌وه

  • 2 رۆژ پێش ئێستا

    نرخی نه‌وت له‌ بازاڕه‌كانی جیهاندا

  • 3 رۆژ پێش ئێستا

    نرخی نه‌وت به‌رزبووه‌وه‌ و 37 دۆلاری تێپه‌ڕاند

  • 4 رۆژ پێش ئێستا

    نرخی زێڕ له‌ بازاڕه‌كانی هه‌رێم به‌رزبووه‌وه‌

  • 5 رۆژ پێش ئێستا

    نرخی دراوه‌ جیهانییه‌كان له‌ بازاڕه‌كانی هه‌رێم

  • 5 رۆژ پێش ئێستا

    نرخی زێڕ له‌ بازاڕه‌كانی هه‌رێمی كوردستان

  • 5 رۆژ پێش ئێستا

    نرخى نه‌وت له‌ بازاڕه‌كانی جیهان

  • 6 رۆژ پێش ئێستا

    نرخی نه‌وت له‌ بازاڕه‌كانی جیهاندا

سەرەتا