بەهۆی كۆرۆناوە بەرهەمی پیشەسازی چین له‌سه‌دا 13 كه‌می كردووه

په‌یام

تەشەنەكردنی جۆری نوێی ڤایرۆسی كۆرۆنا (COVID-19) لەمیانی دوو مانگی رابردوودا، بەجۆرێك زیانی بە ئابووری چین گەیاندووە كە بەرهەمی پیشەسازی ئەو وڵاتە بەڕێژەی 13،5 لەسەدا دابەزینی تۆماركردووە.

لەسەرەتای ئەمساڵەوە لەچێوارچێوەی گرتنەبەری رێوشوێنەكان بۆ خۆپارێزیی لە جۆری نوێی ڤایرۆسی كۆرۆنا (COVID-19)، ژمارەیەكی زۆری كارگە لە چین داخراون كە ئەوەش زیانی بە ئابووری ئەو وڵاتە گەیاندووە.

لەوبارەوە بەرژەوەندی دەوڵەت لە چین بۆ ئامار رایگەیاندووە كە بەهۆی تەشەنەكردنی ڤایرۆسی كۆرۆنا، بەرهەمی كەرتەكانی پیشەسازی بەڕێژەی 13،5 لەسەدا و كانزاکاری بەڕێژەی 6،5 لەسەدا و ئاو و وزە بەڕێژەی 7،1 لەسەدا دابەزین-یان تۆماركردووە.

ئاماژەی بەوەیشكردووە كە دابەزینانەش بە بەراورد بە قەیرانی ڤایرۆسەكە، قبوڵكراوە.

بەپێی دوایین ئامار كە ئەمڕۆ دووشەممە بڵاوكراوەتەوە، ژمارەی ئەو كەسانەی كە بە جۆری نوێی ڤایرۆسی كۆرۆنا (COVID-19) لە چین گیانیان لەدەستداوە بەرزبووەتەوە بۆ سێ هەزار و 213 كەس.