پێش 3 هەفتە
49 جار خوێنراوەتەوە
ڤیدیۆ.. پۆلیسی سلێمانی لەرێی بڵندگۆوە داوا ئاراستەی هاوڵاتیان دەكات كە لەماڵەكانیان بمێننەوە
لە چوارچێوەی هەوڵەكان بۆ رێگری لە بڵاوبوونەوەی ڤایرۆسی كۆرۆناو كۆنترۆڵكردنی، هێزەكانی بەڕێوەبەرایەتی پۆلیسی پارێزگای سلێمانی لە پێناو پاراستنی تەندروستی و سەلامەتی لەرێی بڵندگۆوە، داوایان لە هاوڵاتیان كرد دووكان و بازارەكانیان دابخەن و بگەرێنەوە ناو ماڵەكانیان.
دوای ئەوەی وەزارەتی ناوخۆی حكومەتی هەرێمی كوردستان بڕیایدا لەكاتژمێر 12ی ئەمشەوەوەو بۆ ماوەی 48 كاتژمێر هاتوچۆ لەناو شاری سلێمانی‌‌و شاری هەولێر ڕابگیرێت، سەرجەم هێزەكانی پۆلیسی پارێزگای سلێمانی لەسەر فەرمان‌و بەسەرپەرشتی ڕاستەوخۆی بەڕێز عەمیدی مافپەروەر ئاسۆ شێخ تەها بەڕێوەبەری پۆلیسی پارێزگای سلێمانی لەشەقام‌و شوێنە گشتییەكانی شاری سلێمانیدا خرانە حاڵەتی ئامادەباشی زیاترەوە.
بەڕێوەبەرایەتی پۆلیسی پارێزگای سلێمانی داوا لەدانیشتوانی پارێزگای سلێمانی دەكات كە پابەندی ڕێنماییەكانی وەزارەتی تەندروستی بن‌و لەماڵەكانیاندا بمێننەوەو دور بكەونەوە لەدروستكردنی قەرەباڵغی.
بەڕێوەبەرایەتی پۆلیسی پارێزگای سلێمانی - ڕاگەیاندن و پەیوەندییەكان
لە تۆڕە کۆمەڵایەتیەکان شەیری بکە