ئەشکەوتی جاسەنە

په‌یام - شوان هه‌ورامی

هەڵکەوتەی جوگرافیایی ئەم ئەشکەوتی دەکەوێتە ٥٠ کم ڕۆژئاوای سەنتەری پارێزگای سلێمانی، لە ناوچــەی سورداش، لەسەر ڕێگای سەرەکی سلێمانی دوکان، ئەشکەوتی جاسەنە لەپشتی گوندی کانی خان لە بناری یەکێک لە چیاکانی زنجیرە چیایی پیر مەگرون، کە چیایەکی گەورەیەو دەکەویتەسەرەتای دەربەنێک لەدەستە ڕاستی دەربەندەکە بەشێوەی دەرگایەکی سێ گۆشە ئاساو لەشێوەی هۆڵێکی درێژ کە نزیک بە چل مەتریک درێژە و بەرزی دەگاتە نزیکەی نۆ مەتر و بگرە لەهەندێک شوێنیشدا زیاترە و پانیەکەشی لەپانترین شوێندا زیاترە لە حەوت مەترە.

پاش هێرشی فڕۆکەی سوپای ئینگلیز لە ساڵی ١٩٢٣،بۆ سەر شاری سلێمانی کە ئەوکات ناوەندی دەسەڵات داریەتی مەلیکایەتی کوردستان بو، شێخ مەحموودی حەفید مەلیکی ئەوێ ڕوژگاری کوردستان و هاوڕێیانی شوڕشگێری ئەشکەوتی جاسەنە دەکەنە پەناگە و سلێمانی جێدەهێڵن، هاوشانی خۆیان چاپخانەی بەلەدیەیی سلێمانی لەگەڵ خۆیان دەبەن تا بتوانن لەڕێگەی ئەو چاپ خانەیەوە زمانی شۆڕش بەبەرزی بهڵنەوە.

لەم ئەشکەوتەدا چاپخانەکە دادەنێن و یەکەم ڕۆژنامەی تێدا بڵاو دەکەنەوە بەناوی بانگی حەق لە ٢ی ئازاری ١٩٢٣.

ڕۆژنامەی (بانگی حەق) بەیەکەم ڕۆژنامەی سەردەمی شاخ و زمانحاڵی شۆڕشی کورد دادەنرێت لە مێژووی هاوچەرخی کوردا، کەئەوکات ئەحمەد خواجە سەرنوسەری دەبێت و سێ ژمارەی لێ دەدەکەن

نزیکەی سەدەێک بەر لە ئێستەی تەمەن شێخ و هاوڕێکانی لەم ئەشکەوتەدا لەگەرمی شۆڕش و ململانێدابون لەگەڵ نەیارانی کوردستان، ئەمڕۆ منیش لەگەڵ پولێک هاوڕێ و هاوکارانم سەردانی ئەم ئەشکەوتەمان کردو جار لەدوای جار کەسەردانی دەکەم بێ دەنگ ترو بێ ڕەنگ ترو بێنازتر هەروەک شیخی نەمری بێکەس و بێ دەسی میوانی.