کۆرۆنا بە بۆنی نێرگز! تکایه‌ گوێمان لێ بگرن!

لەم وەرزەدا کەوا بەرەو بەهار دەڕۆین و ئێستا لە دامێنی هەندێک لە چیاکانی کوردستانە جوانەکەمان گوڵی نێرگز دەرکەوتوون! کە لای زۆربەمان گوڵێکی جوان و بۆنخۆش و بەسوود و بگرە پیرۆزیشە!

بەڵام ئەمساڵ پێویستە وریای دوو شت بین:

۱.ئەو گوڵە نێرگزانە نەکڕین کە لە سایدی جاددە و ڕێگاوبانەکان بە دەستی خەڵکەوە دەفرۆشرێن! تەنها کاتێک نێرگز هەڵبگرە و بۆن بکە کە خۆت بیانچنی، چونکە دوور نییە بۆنکرابێت و ڤایرۆساوی بووبێت!

۲.لەگەڵ دەرکەوتنی نێرگز ئیتر کورد کێچی دەکەوێتە کەوڵی و لە ماڵ دانانیشێ و دەچێتە سەفرە و سەیران! میللەتێکین ئەگەر نوێژی هەینیشمان لێ قەدەغە بکەن قەینا گرنگ گەشت و سەیران هەبێ و کۆبوونەوە هەبێ! کۆبوونەوەی خەڵکێکی زۆر لەک شوێن و سەیرانگا و تێکەڵبوونیان زۆر ترسناکە چونکە ئێمە ئێستا لە بێئاگایی ڤایرۆسێکی کوشندەی خەوتووداین و هیوادارین بەر لە بەخەبەرهاتنەوەی ئەو ڤایرۆسە، هەتاو هەڵبێت و وشکی بکاتەوە! ئەگەرنا سەرجەم پارێزبەندییەکان تێکشکاون! بەهیوایئەوەی دۆخەکە زۆر بە جددی وەربگرن و بەشداریی کاراتان هەبێ لە ڕێگریکردن لەو دوژمنە نادیارە!

د.ڕەوەند عەبدولڕەحمان

پزیشکی نەشتەرگەری سنگ و دڵ