01/03/2020 593 جار خوێنراوەتەوە

وەزارەتی تەندروستیی هه‌رێم: 4 کەس لە سلێمانی تووشی کۆرۆنا بوون

په‌یام

وەزارەتی تەندروستی حکومەتی هەرێمی کوردستان له‌ به‌یاننامه‌یه‌كدا رایگەیاند: "لە ماوەی 24 کاژێری رابردوودا پشکنین بۆ 24 گومانلێکراو ئەنجامدرا کە لە نێویاندا 4 هاوڵاتی لە شاری سلێمانی دەرەنجامی پشکنینەکانیان دەرچوو کە هەڵگری ڤایرۆسی کۆرۆنان کە پێكهاتوون لە خێزانیكی 3 كەسی و ئافرەتێك کە سەرجەمیان پێشتر سەردانی وڵاتی ئێرانیان کردبوو".

راشیگه‌یاند: له‌ئێستادا ئه‌و توشبووانه‌ لە نەخۆشخانەی جیاکراوەی تایبەت بەم نەخۆشیە دانراون و باری تەندروستیان جێگیرە.
 

ئه‌مه‌ش دەقی بەیاننامەکەی وەزارەتی تەندروستی:-
 
لە بەردەوامی ڕێکارەکانی خۆپارێزی لە نەخۆشی ڤایرۆسی کۆڕۆنای نوێ COVID-19 لە هەرێمی کۆردستان بەهۆی هەبوونی ژمارەیەکی زۆری تووشبوان لە جیهان و وڵاتانی دەوروبەردا و گەڕانەوەی ژمارەیەکی زۆری هاوڵاتیانی گەشتیار لەو وڵاتانەدا، تیمەکانی تەندروستی و دامودەزگا پەیوەندیدارەکان لە حکومەتی هەرێمی کوردستان بەردەوامن لە ڕێکاری پێویست بۆ خۆپارێزی و دۆزینەوەی گومانلێکراوان و ئامادەکاریەکانی کۆنتڕۆڵکردنی ئەم پەتایە لە هەرێمی کوردستان.
 
بە هاوڵاتیانی خۆشەویست ڕادەگەیەنین کە ئەمرۆ یەكشەمە ١ی ئازاری ٢٠٢٠، لە ماوەی ٢٤ کاتژمێری ڕابردوودا پشکنین بۆ (٢٤) گومانلێکراو ئەنجامدرا کە لە نێویاندا (٤) هاوڵاتی لە شاری سلێمانی دەرەنجامی پشکنینەکانیان دەرچوو کە هەڵگری ڤایرۆسی کۆڕۆنای نوێ COVID-19 کە پێكهاتبوون لە خێزانیكی ٣ کەسی و ئافرەتێك کە سەرجەمیان پێشتر سەردانی وڵاتی ئێرانیان کردبوو و دوای گەڕانەوەیان لە پڕۆسەی کەڕەنتین و چاودێری کردنی تەندروستی پشکنینیان بۆ کرا وە لە کاتی ئێستادا لە نەخۆشخانەی جیاکراوەی تایبەت بەم نەخۆشیە دانراون و باری تەندروستیان جێگیرە.
 
وەزارەتی تەندروستی جەخت دەکاتەوە کە پێویستە هەموولایەك پابەندی بڕیارەکانی حکومەتی هەرێمی کوردستان، وەزارەتی ناوەخۆ و ڕێنماییەکانی وەزارەتی تەندروستی و پاڵپشتی تیمەکانی تەندروستی بن بۆ دۆزینەوەی هەر گۆمانلێکراوێك و گەشتیارێك کە دوورن لە چاوی تیمەکانی تەندروستی.
 
هاوڵاتیان دڵنیا دەکەینەوە کە بەردەوام دەبین لە کاری پێویست بۆ ڕێکارەکانی خۆپارێزی و دۆزینەوەی گومانلێکراوان و ڕێگەگرتن لە بڵاوبوونەوە و بەدواداچوونی چارەسەریەکان.
 
وەزارەتی تەندروستی       
حکومەتی هەرێمی کوردستان 
١  ی ئازاری ٢٠٢٠

لە تۆڕە کۆمەڵایەتیەکان شەیری بکە

  • 13 کاتژمێر پێش ئێستا

    هەدەپە نیگەرانیی لە ڕووداوە ئەمنییەكانی چەند ڕۆژی ڕابردوو دژی هاووڵاتیانی باكووری كوردستان دەردەبڕێت

  • 13 کاتژمێر پێش ئێستا

    بەرپرسێكی پەكەكە له‌ سلێمانی تیرۆركرا

  • 13 کاتژمێر پێش ئێستا

    ئاری بەدەل بەرواری مەترسییه‌كانی ژیان و تەندروستیی گیراوانی بادینان ئاشكرا ده‌كات

  • 18 کاتژمێر پێش ئێستا

    سەرۆکی حکوومەتی هەرێمی کوردستان پێشوازیی لە سەرکۆماری عێراق کرد

  • 23 کاتژمێر پێش ئێستا

    كه‌شناسی: پله‌كانی گه‌رما به‌ نزمی ده‌مێننه‌وه‌

  • 24 کاتژمێر پێش ئێستا

    ھەولێر.. بەھۆی ئاگر کەوتنەوەوه‌ دوو کەس گیانییان لەدەستدا

  • 2 رۆژ پێش ئێستا

    ئه‌حمه‌دی حاجی ره‌شید: 200 ملیاره‌كه‌ به‌ بڕیاری كازمی بۆ هه‌رێم ده‌نێردرێت

  • 2 رۆژ پێش ئێستا

    لیژنه‌ی ئه‌منی سلێمانی و نووسینگه‌ی كۆمسیۆنی هه‌ڵبژاردنه‌كانی عێراق كۆبوونه‌وه‌

سەرەتا